Subscribe: [ Ссылка ]
Web: [ Ссылка ]
Facebook: [ Ссылка ]
Twitter: [ Ссылка ]
Instagram: [ Ссылка ]
TikTok: [ Ссылка ]
Antidroga e Tiranës ka goditur një tjetër grup trafikantësh të lëndëve narkotike. Në pranga kanë rënë 19 persona, ndërsa 5 të tjerë u shpallën në kërkim.Agjentët e antidrogës prej disa muajsh i kishin ndjekur dhe me metoda speciale arritën në goditjen e këtij grupi që shpërndante droga të forta dhe të lehta në disa pika të kryeqytetit, kryesisht afërsi shkolla, apo në vend të tjera që frekuentohen nga të rinjtë.Në këtë grup bënte pjesë edhe Armando Xheladini, i arrestuar në maj të këtij viti për një vrasje në Greqi, ngjarje e ndodhur në vitin 2008.“Për një periudhë hetimore tremujore, u dokumentua me prova ligjore veprimtaria kriminale e disa shtetasve që shpërndanin lëndë narkotike kanabis, heroinë dhe kokainë, në zona të ndryshme të Tiranës, afër shkollave, si dhe në lokale nate. Midis personave për të cilët Gjykata e Shkallës së Parë e Juridiksionit të Përgjithshëm Tiranë ka vendosur masë sigurie, është dhe shtetasi A. Xh., alias A. T., alias J. C., 52 vjeç, banues në Tiranë, i cili është arrestuar në muajin maj të këtij viti, për veprën penale “Vrasja me dashje”, kryer në bashkëpunim, për një ngjarje të ndodhur në shtetin grek”, tha Tonin Vocaj, Drejtor i Policisë së Tiranës.Vocaj tha se është sekuestruar një sasi e madhe droge, shuma parash, automjete etj.“1.2 kilogramë lëndë e dyshuar narkotike kokainë; qindra doza të lëndëve të dyshuara narkotike heroinë dhe kanabis; 12 celularë; 5 automjete; shuma të konsiderueshme parash në lekë dhe valuta të tjera, të dyshuara të përfituara nga shitja e lëndëve narkotike”, tha Vocaj.Antidroga e Tiranës vijon hetimet për të zbuluar furnizuesit e këtyre grupeve kriminale, ndërkohë që në hetime ka rezultuar se këta persona bashkëpunonin edhe me grupet e tjera të goditura më herët nga blutë e kryeqytetit.

свернуть