Биыл Мәжіліс пен барлық деңгейдегі мәслихаттар депутаттарын кезектен тыс сайлау жаңа форматта өтеді. Бұған дейін саяси партиялар мен үкіметтік емес ұйымдар атынан ғана сайлауға түсуге рұқсат етілсе, бұл жолы аралас сайлау жүйесі бойынша өткізіледі. Яғни, депутаттар тек партия атынын сайланбайды. Алғаш рет азаматтар депутаттыққа өзін-өзі ұсынады. Бұл сайлаудың тағы қандай ерекшеліктері бар? Әріптесім Аршат Әділжанқызы айтып бермек!
Енді Мәжіліс пен мәслихат депутаттарының сайлауы пропорционалды және мажоритарлық жүйемен жүзеге асады. Яғни, сайлауға кандидаттар саяси партия атынан ғана емес, сондай-ақ өзін-өзі ұсыну арқылы да қатыса алады. Айта кетейік, биылғы саяси додаға ресми тіркелген жеті партия түсіп жатыр. Олар Аманат, Ауыл, Республика, Қазақстан Халық партиясы, Байтақ, Ақ жол және Жалпыұлттық социал-демократиялық партиясы. Бюллетеньге партиялар осы тәртіппен енгізіледі. Мәжіліс депутаттығына Аманат партиясынан 90 кандидат тіркелсе, Ауыл мен Республикадан 25-тен, Қазақстан халық партиясынан 52, Байтақтан 18, Ақжолдан 54, Жалпыұлттық социал-демократиялық партиясынан 19 үміткер бар. Сондай-ақ, мәжілісте осы кезге дейін 107 депутат болса, енді биылдан бастап Қазақстан халқы ассамблеясына тиесілі 9 мандат болмайды. Сәйкесінше Парламенттің төменгі палатасына 98 халық қалаулысы сайланады. Оның 69-ы партиялық тізіммен, 29-ы бірмандаттық аумақ округтері бойынша. Мәжіліс депутаттарының өкілеттік мерзімі - 5 жыл. Кандидаттар Қазақстан азаматы болуы тиіс. Соңғы он жылда ел аумағында тұруы және кем дегенде 25 жаста болуы керек. Одан бөлек, партиялық тізімде әйелдердің, жастардың, мүмкіндігі шектеулі адамдардың саны үміткерлердің жалпы санының кемінде 30 пайызын құрау керек. Бұл жолғы сайлаудың тағы бір ерекшелігі бюллетеньде «бәріне қарсымын» деген баған енгізілген. Астана, Алматы және Шымкент қалаларында аудандық мәслихат болмағандықтан сайлаушыларға 4 бюллетень беріледі. Басқа облыстардың тұрғындарына бесеуден тиесілі. Бюллетеньдердің түсі де әр түрлі болады. Мәселен, көгілдір - мәжілістегі партияға дауыс беру үшін, жасыл - мәжілістегі бір мандатты депутатқа дауыс беру үшін, күлгін - партиялық тізімдер бойынша облыс немесе қала мәслихатының депутаттарына дауыс беруге арналса, қызғылт сары - бір мандатты округтер бойынша қала немесе облыс мәслихатының депутаттарына дауыс беру үшін, және бесінші бюллетень сұр түсті болады. Ол қала немесе аудан мәслихатының депутаттарына дауыс беру үшін беріледі. Айта кетейік, мәжіліс сайлауын 41 шет мемлекет пен 12 халықарлық ұйымнан 793 байқаушы қадағалайды.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
![](https://i.ytimg.com/vi/XpACtE9smRo/maxresdefault.jpg)