“КЕШ ҚАЛЫППЫН”
Кеш қалыппын, кеш қалыппын, қарағым,
Амал қанша, өкініштен жанамын.
Сен отырсың басқа жанның қасында,
Күзетесің басқа жанның қабағын.

Басқа жанның тілін қазір аласың,
Басқа жанның қызығына қанасың.
Босағадан шығарып сап күлімдеп,
Басқа жанды күнде қарсы аласың.

Басқа жанмен ойнап-күліп жүрсің сен,
Басқа үшін күн нұрымен теңсін сен.
Білмейсің ғой, білмей-ақ қой қайтейін,
Бір жан барын ту сыртыңнан күрсінген.

свернуть