Онда бүкілхалықтық талқылау қорытындылары ескерілген. Енді жоғарыда айтылған 6 мыңнан астам ұсыныстың негізгі дегендеріне тоқталып өтсек.
Ердәулет Байдуллаев, тілші:
-Отандастарымыздың ұсыныстары мынадай салаларды қамтыпты. Қырық ұсыныс мемлекет басшысының өкілеттігіне қатысты. 88 пікір парламент жайлы, Конституциялық кеңес жұмысы да назарға алынған. Оған қатысты айтылғаны 18 ұсыныс. Көбі құқық қорғау мен сот саласын қамтыпты. 2148 ұсыныс.
Ғайса Қапақов, Қазақстан халқы Ассамблеясының өкілі:
-Билікті бөлгенде жауапкершілікпен бірге жұмыстың нәтижелілігі маңызды. Сондықтан мұның өзі болашақта біздің әрбір отбасы, әрбір азаматтың өмірде жетістіктеріне себепші болады.
Мырзағали Мұхамбетов, облыстық ардагерлер кеңесінің төрағасы:
-Өкілеттіліктер бөлінгеннен кейін Парламенттің де, Үкіметтің де жауапкершілігі көбейеді. Сондықтан олар мынадан да артық жұмыс жасау керек. Тек қана Президентке арқа сүйеп отырмай, өздері жұмыс жасау керек. Жұмыс деген өте көп.
Ең көп ұсыныс адвокаттардан түскен. Олар айыпталушыны сот санкциясынсыз қамау мерзімін 72-ден 48 сағатқа қысқартуды қалайды. Мәслихаттар бойынша да пікірлер бар. Мәселен, депутаттарға жас бойынша шектеу енгізілсе дейді. Осы ретте олардың қайта сайлануына шектеу қою да ұсынылды. Сондай-ақ әкімдерді тағайындау да сөз етілген. Өлім жазасын енгізу, этникалық қазақтарды қабылдау тәртібін жеңілдету жайлы ұсыныстар да бар.
Блиц:
-Жауапкершілік тең сұралып, тең көтеріліп жүрген жағдайда еліміздің одан әрі ілгерілеуіне жол ашылады деп ойлаймыз. Елбасы осы міндет тұрғысынан осындай қадамға барды деп ойлаймыз.
-Әрине, идеалды түрде, теория негізінде Үкімет пен Парламенттің жұмысы жоғарылап және де басқа деңгейге көтерілуді міндеттейді. Соған енді жақсы болады деп сенеміз.
Байқағанымыздай, ұсыныстардың бір тобы Конституциялық реформаға тікелей қатысты болса, басқалары түрлі саланы қамтыған. Президент пікірдің әр-алуандылығы біздің енді қай бағытта жұмыс істеуіміз керектігінің көрсеткіші деп бағалады.
![](https://s2.save4k.ru/pic/Y15-G-RHvuE/maxresdefault.jpg)