1990 жылдардың басында ұлтымызды келімсектер таптап, қыздарымызды зорлап, намысымызды аяққа басып жүрген кезде қазақ азаматтары дүр сілкініп, атқа қонып, үлкен толқу болған еді. Сөйтіп ұры-қары, келімсектер елден аластатылды. Осы тұста көкірегі ояу, көзінде ұшқын бар ақын Есенқұл Жақыпбек Жәкен Омаровпен бірлесіп «Біздің елдің жігіттері...» өлеңін жазды. Сол жылдары әнші-композитор Жәкен Омаровтың басына бір қиын іс түсіп, Жамбыл ауданының Қаныбек, Кеңес, Қапан, Есмахан,Тілектес, Әбен, Орынтай сынды рухы биік, бірлігі мықты жігіттері көмек қолын созып, тығырықтан алып шығады.Күрмеуі қиын іс жоғарыда атын атап өткен жігіттердің арқасында шешіліп, жаны қиналғаннан әрі ризашылықтан алай-дүлей күй кешкен Жәкен Омаров Есенқұл Жақыпбектің үйінің ауласында отырып, «Есаға, егер мен басқа жерде болсам, тағдырымның не болатынын бір Құдай біледі. Сіздің елдің жігіттерінің шарапатын көрдім. Сіздің елдің жігіттеріне деген алғысымды қалай жеткізсем екен, жақсылығын қалай қайтарамын?» деп сұрайды. Сонда ақын «Сенің «Сіздің елдің жігіттері» деген сөзің әдемі екен. Мен «Біздің елдің жігіттері» деген өлең шығарайын, сен соған ән жаз» дейді. Сөйтіп, жарты сағаттың ішінде жаңа туындының тұсауы кесіледі.
Біздің елдің жігіттері
Біздің елдің жігіттері – жігіттердің төресі,
Солар жайлы ағайын-жұрт, не білесің сен осы?
Олар жайлы айтылмайды биік-биік мінбеден,
Өйткені олар –ақиқат пен шындық сөздің жебесі.
Біздің елдің жігіттері – жігіттердің төресі,
Біздің елдің жігіттері – ұлы мұхит кемесі.
Осы жұрттан бақ пен Қызыр қашпаса екен деп тілеп,
Осал жерін түзеп жүрген біздің елдің шегесі.
Біздің елдің жігіттері – жігіттердің сырттаны,
Кешегі өткен ақындар мен батырлардың ұрпағы.
Ерте туып, еш заманның маңдайына сыймаған,
Өз елінің ұлтаны мен өз елінің сұлтаны.
Олар жайлы білгің келсе, ортасына кіріп көр,
Солар жүрген жолдарменен дәтің болса, жүріп көр.
Ерте туып, еш заманның маңдайына сыймаған,
Қайран біздің қасиетті қара нардай жігіттер.
Бағлан Әбдірайымов - Біздің елдің жігіттері
Теги
бағлан әбдірайымовбіздің елдің жігіттерібіздің елдің жігіттер жігіттердің төресібаглан абдраимовбиздин жигиттербиздин елдин жигиттеринесіпбай алмазсабрсабыр муслимчерный алмазрыжий алмазбаха фестивальқаныбекрэкетирлихие 9090 жылдарыбатырларқазақ көкжалдарықазақ батырларықазақша әндерназарбаевнұрсұлтан назарбаевәндерандертерме