Ўзбекистон Республикаси Давлат мустақиллигининг 29 йиллиги байрами арафасида тадбиркор Отабек Саматов томонидан янги барпо этилган “Сеҳрли шаҳарча” нодавлат мактабгача таълим ташкилоти биноси фойдаланишга топширилди. Тантанада Ўзбекистон Республикаси мактабгача таълим вазирлиги, унинг ҳудудий бўлимлари, туман ҳокимлиги, секторлар вакиллари, нуронийлар иштирок этдилар.
Тадбирда сўз олганлар қатнашчиларни энг улуғ ва энг азиз байрамимиз - Мустақиллик куни ва янги боғча очилиши билан муборакбод этдилар. Шу ўринда таъкидлаш жоизки, 7 миллиард 965 миллион сўм маблағ эвазига барпо этилган мазкур муассаса 240 ўринли бўлиб, бу ерда тарбияланувчилар учун барча шарт-шароитлар муҳайё этилган. Ётоқхона, машғулотлар ўтказиладиган хоналар, санузел, мусиқа заллари энг замонавий жиҳозлар билан таъминланган. Ёпиқ типдаги бассейн, концерт зали, ошхона, кичик футбол майдони тадбир иштирокчиларида катта таассуротлар қолдирди.
#Шаҳрихон.
