Салық көлемін қайта қарастырмай өңдеу саласының өркендеуі неғайбыл.
Ауыл шаруашылығы министрінің орынбасары Төлеутай Рахымбеков дүкен сөрелерінде отандық тауардың әлі күнге аз болуы осымен байланысты деп санайды. Тіпті бірқатар мысал да келтіріп өтті. Орта есеппен алғанда макаронның – 12, өсімдік майының – 38, қалбырланған көкөністің 74%-ын сырттан аламыз. Жағдайды түзеу үшін әр аймақтың шығаратын өнім түрі мен көлемі арнайы есепке алыныпты. Енді соны тасымалдау және өңдеу жағын дұрыс жолға қою қажет. Салық көлемін азайту да маңызды шарт.
Төлеутай Рақымбеков, ҚР Ауыл шаруашылығы министрінің орынбасары:
- Қазір біздің өңдейтініміз негізінен астық, майлы дақылдар, көкөністің аздаған түрі, соның ішінде қант қызылшасы ғана. Мол шикізатымыз бола тұрып мұнымен шектелген жарамайды. Біз айтқан кедергілерді жою арқылы 2021 жылы өңделген тауарлар экспортын 40%-ға арттыруға болады. Ал қазір Қазақстан сырттан тауар сатып алуға жыл сайын 1 трлн теңге жұмсайды.
