2019-cu ildən etibarən Türkiyədə elektrik enerjisinin və təbii qazın qiymətləri aşağı salınacaq. Sonxeber.az NTV telekanalına istinadla xəbər verir ki, bunu Türkiyə Prezidenti Rəcəb Tayyib Ərdoğan deyib. Onun sözlərinə görə, əhaliyə verilən elektrik enerjisinin qiyməti 10% ucuzlaşacaq. R.T. Ərdoğan bildirib: "Mənzillərə verilən elektrik enerjisinin qiymətində 10% endirim edirik. Eyni şəkildə yaşayış mənzillərində, kiçik və orta müəssisələrdə, ticarət evlərində istifadə edilən qazın qiymətində də 10% endirim edəcəyik".
