#нәпілнамаздар#қажетнамазы#намазтүрлері
Адам баласы екі дүние үшін көп нәрселерді қажет етеді. Сол кезде Алладан қажетін сұрап, дұға етіп, қажет намазын оқыса болады. Үкімі-мұстахаб. Қажет намазы кез келген уақытта оқылады, бірақ құптан намазынан кейін оқығаны абзал. Қажет намазы 2,4,12 ракатка дейін оқуға болады. Кей ғалымдарымыз 2 ракат деген. Ханафи мазһабы бойынша 4 ракат.
Қажет намазы қалай оқылады?
Қажет намазын оқуға ниеттенген мұсылман жақсылап дәрет алып құптан намазынан кейін немесе өзіне ыңғайлы уақытта, қажет намазын оқу үшін 2 немесе 4 ракатқа ниет етіп, намаз оқиды. Намаз оқу кезінде мына сүрелерді оқу керек:
1-ші ракатта фатиха сүресінен кейін 3 рет аятул курси,
2-ші ракатта Фатиха сүресінен кейін 1 рет Ыклас сүресі;
3-ші ракатта Фатиха сүресінен кейін 1 рет Фалак сүресі;
4-ші ракатта Фатиха сүресінен кейін 1 рет Нас сүресін оқу керек.
Намазын оқып, екі жағына сәлем беріп болған соң, қолын жайып Аллаға мадақ мақтау айтады, кейн Пайғамбарымызға (сғс) салауат айтады. Содан кейін мына дұғаны оқып, Алладан қажетін сұрайды.
«Ләә иләһә иллал-лоһул-халимул-кәрим. Субхан-Аллаһи Раббил-а’ршил-а’зим. Әл-хәмду лилләһи раббил-а’ламин. Әсәлукә мужибаати рахматика уә азаимә мағфиратикә уәл-ғанимәтә мин кули биррин уәс-сәләәматә мин кулли исмин ләә тәда’ ли зәнбән иллә ғафәртәһ уә ләә һәммән иллә фәррәжтәһ, уә ләә хәәжәтән һиә ләкә ридан иллә қадайтәһә иәә әр-рахамәр-рәхимиин».
Мағынасы: «Халим (биязы) әрі Жомарт Алладан басқа құдай жоқ. Ұлы арштың Раббы Алла барлық кемшіліктерден пәк. Хамд пен мадақ әлемдердің Раббы Аллаға ғана тән. Уа Аллам! Рақымдылығың қажет еттірген нәрселеріңді, ап-анық кешіріміңді, әрбір жақсылыққа жеткізуіңді, әрбір күнәдан алыстатуыңды сенен тілеймін. Күнәларымды кешір! Қайғы-мұңымнан арылт! Ризалығыңа лайық қажеттілігімді бер. Ей, рақымдылардың Рақымдысы, Аллам!».
Осылай оқып, Алладан қажет болған нәрсені сұрау- сізге сауап болады және Алланың қалауымен дұғаңыздың тез қабыл болуына жақындатады.
![](https://s2.save4k.ru/pic/YNG9VvXb1Yg/maxresdefault.jpg)