«QAZAQSTAN» және «QAZSPORT» телеарналары Ресейдегі FIFA 2018 футболдан әлем чемпионатын тікелей эфирде көрсетеді

14 маусым - 15 шілде аралығында Ресейде Футболдан 2018 жылғы әлем біріншілігі өтеді. ФИФА-ның 21-ші футболдан әлем чемпионаты Ресей Федерациясындағы 11 қаласында: Волгоград, Екатеринбург, Қазан, Калининград, Мәскеу, Нижний Новгород, Ростов, Самара, Санкт-Петербург, Саранск және Сочиде өтеді. 12 стадион.

Алғашқы ойын 14 маусым күні Ресейдегі атақты «Лужники» стадионында өтеді. Топтық кезең 28 маусымда аяқталса, финалдық ойындар 15 шілде күні мәресіне жетеді. Бұл жарысқа әлемнің ең таңдаулы 32 ұлттық құрама қатысады.

Сондай-ақ, әлем біріншілігінде талай спорт жұлдыздарының шеберлігін тамашалай аласыздар. «QAZAQSTAN» және «QAZSPORT» телеарналары тарнсляциялардан бөлек қосымша тағы да бірқатар жобалар дайындауда.

Айта кетейік, Ресейде өтетін футболдан әлем чемпионатының Қазақстан Республикасының аумағындағы ресми хабар таратушылары - «QAZAQSTAN» және «QAZSPORT» телеарналары.

свернуть