Izraeli e quajti sulmin e fundjavës nga hamasi, 11 shtatorin e tij. Ndërsa organizatori i fshehtë i sulmit, militanti palestinez Mohammed Deif, e quajti Përmbytja e madhe Al Aqsa. Fraza që njeriu më i shumëkërkuar i izraelit përdori në një regjistrim audio ndërsa hamasi lëshoi me mijëra raketa nga gaza, sinjalizoi se sulmi ishte një hakmarrje për sulmet e izraelit në xhaminë al Aqsa në jeruzalem. Në maj 2021, pas një sulmi në vendin e tretë më të shenjtë të islamit, që zemëroi botën arabe dhe muslimane, Deif nisi të planifikonte operacionin që ka vrarë më shumë se 1200 persona në izrael, sipas një burimi të afërt me Hamasin në Gaza. “Ai u nxit nga pamjet e izraelitëve që sulmonin xhaminë al aqsa gjatë ramazanit, duke rrahur besimtarët, duke i plagosur, duke tërhequr zvarrë të moshuar dhe të rinj për ti nxjerrë që andej”, tha burimi. “E gjithë kjo nxiti zemërimin”. Sulmi mbi xhaminë, një pikë e nxehtë e hershme për dhunën në lidhje me cështjet e sovranitetit dhe besimit në jeruzalem, coi në nisjen e 11 ditëve luftë mes izraelit dhe hamasit. Një i mbijetuar i shtatë përpjekjeve për vrasje të izraelit, më e fundit në 2021, Deif, rrallë herë flet dhe nuk shfaqet kurrë në publik. Ndaj, kur kanali televiziv i hamasit njoftoi se ai do të fliste, të shtunën, palestinezët e dinin se dicka e madhe po ndodhte. “Sot, zemërimi i al Aqsa-së, zemërimi i njerëzve dhe vendit tonë po shpërthen. Luftëtarë, sot është dita juaj që ta bëni këtë kriminel të kuptojë se koha e tij ka mbaruar”, tha Deif në regjistrim. Ka vetëm tre imazhe të tij në fakt; një kur ishte rreth të 20-tave, një tjetër i maskuar, dhe një imazh i hijes së tij, që ai edhe përdori në regjistrimin audio. Vendndodhja e Deif është e panjohur edhe pse mendohet se me shumë gjasa ai është në gaza, në labirinthin e tuneleve nën të. Një burim izraelit i sigurisë, tha se Deif ishte përfshirë në mënyrë direkte në planifikimin dhe aspektet operacionale të sulmit. Burimet palestineze ndërkohë thanë se një nga shtëpitë që izraeli goditi me bomba gjatë natës, në gaza, ishte e babait të Deif. Bëllai i tij dhe dy pjesëtarë të familjes u vranë sipas burimeve. Këto të fundit thanë edhe se vendimi për të përgatitur sulmin është marrë bashkarisht nga Deif, që komandon brigadat Al Qassam të Hamasit, dhe Yehya Sinëar, lideri i hamasit në gaza, por është e qartë se kush është në të vërtetë arkitekti. Fshehtësia ishte aq e madhe, sa që edhe irani, armiku i betuar i izraelit dhe mbështetës i fuqishëm i Hamasit, dinte vetëm pak gjëra të vagëta, por asgjë konkrete. Për Deif, qëndrimi në hije ka qenë cështje jete apo vdekje. Burimet thonë se ai ka humbur një sy dhe ka marrë plagë serioze në këmbë në një prej atentateve të izraelit. Bashkëshortja e tij, djali 7 muajsh dhe vajza 3 vjecare, u vranë nga një sulm ajror izraelit në 2014-ën. Mbijetesa e tij ndërsa drejtonte krahun e armatosur të hamasit i ka dhënë statusin e një heroi folklorik palestinez. Ai nuk përdor teknologjinë moderne digjitale, si smartfonët. Është shumë i mbyllur. Ai është njeriu i hijeve.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Komandanti#Hamas
![](https://s2.save4k.ru/pic/YYe0g50Z-E8/maxresdefault.jpg)