Боливияның Амазонка өзенінің маңындағы елді-мекендерді су басып қалды. «Рейтер» агенттігінің хабарлауынша тілсіз жау құрбаны болғандардың саны 60 адамға жетті. 300 мыңнан астам тұрғын су тасқыны салдарынан зардап шегіп отыр. Қазір апатты аймақта тұратын 60 мың отбасыны қауіпсіз жерге көшіру, сондай-ақ, оларды ауыз су және азық-түлікпен қамтамасыз ету үшін Оңтүстік Америкадағы өзге елдер де бірлесе іс атқаруға көшті. Жергілікті биліктің мәлімдеуінше, соңғы рет мұндай алапат су тасқыны 2007 жылы болған екен. «Бұл жолғы табиғи апаттың ушығуына климаттың ауысуымен қоса, Бразилиядағы бөгеттер құрылысының әсер етуі әбден мүмкін», -дейді Боливия Президенті Эво Моралес.
Ещё видео!