Dr. Fərrux Nağıyev (Qastroenteroloq-hepatoloq)
Tel: (077) 365 66 66
Facebook: [ Ссылка ]
İnstaqram: Dr_ferrux

Xora mədə və onikibarmaq bağırsağın mədə turşusu və həzm mayelərinin təsiri nəticəsində yaranan toxuma itkisidir. Toxuma itkisi pepsin fermentinin təsiri nəticəsində daha dərin qatlara keçə bilər. İnflamasiya dediyimiz yara meydana gətirə bilər.

İnsanlar arasında rastgəlməsi 2-6 faizdir. Onikibarmaq bağırsaq xorası mədə xorasına nisbətdə daha çox görülür. Onikibarmaq bağırsaq xorası 30-50 yaş arası rast gəlinir və kişilərdə qadınlara nisbətən 2-4 dəfə daha çox görülür. Mədə xorası isə 60 yaşdan yuxarı daha çox rast gəlinir və qadınlarda kişilərə nisbətən daha çox görülür.

Xoranın əlamətləri və yaradan səbəblər
Ən çox görülən əlamət qarnın üst hissəsində yanma şəklində olan ağrıdır. Ümumilikdə qida qəbulundan bir müddət sonra başlayır. Gecə xəstəni yuxudan oyadır (onikibarmaq bağırsaq xorasında). Qida qəbulu ilə və mədə turşuluğunu azaldan dərmanlarla ağrı bir neçə dəqiqə ilə bir neçə saat arasında azalır. Payız aylarında ağrıların intensivliyi artır. Xora olan xəstələrdə daha az meydana gələn əlamətlər bulantı, qusma, iştahsızlıq və arıqlamadır. Ən böyük səbəb Helikobakteri Pilori bakteriyasıdır və düzənsiz istifadə olunan aspirin və digər QSİƏM dərman preparatlarının qəbuludur. Digər səbəblər arasında genetik meyillilik, hər növ stress, hormon tipli dərmanlar (steroidlər), alkoqol, siqaret çəkmə, kofe qəbulu, ətraf mühitin çirkliliyi göstərilə bilər.

Xora xəstəliyinin təhlükəli nəticələri nələrdir?
Qanama – Həzm sistemi qanaxmalarının ən böyük səbəbi xoradır. Bəzən heç vaxt mədə ağrısı olmayan insanlarda da görülə bilər. Böyük bayıra gedərkən qara qətran rəngli nəcis olur. Başqa əlamətlər olmadan bu tip böyük bayıra gedərkən bu halnan rastlaşan insanlar təcili olaraq həkimə müracət etməlidirlər. Qusma və qara nəcis olmadan ani gələn halın pisləşməsi, soyuq tərləmə hallarında üst qastrointestinal qanamadan şübhələnilməlidir.
Mədənin deşilməsi (Perforasiya) – Mövcud xoranın dərinliyinin artması və bütün mədə-duedenum qatlarının keçilib deşilməsidir. Mədə turşusu-pepsin tərkibli qarışıq qarın boşluğuna keçib birdən-birə şiddətli ağrı yaradır. Qarın taxta kimi sərtləşir, tərpənmə və yerimə ağrı səbəbindən çətinləşir. Bu halda müalicə yalnızca cərrahi olaraq aparılır.

свернуть