Қарағанды облысында төтенше жағдай! Жұрт ұйқыда жатқанда арнасынан асқан Сабыр қожа өзенінің суы Николаевка ауылындағы үйлерді бір түннің ішінде басып өтті. Жергілікті билік көз алдындағы қауіпті білмеді деу қысынға келмес?! Анығы, халықты дер кезінде көшіргенді қойып, ең болмаса ескерту де айтылмаған. Су астында қалғандар, киім-кешегі мен жиһазын кептіріп әлек. Шенеуніктер болса, апатан қанша мал шығыны барын да әлі білмейтін сияқты.
