Қазақстанда 1-топтағы 14 мыңға жуық мүгедек бала бар. Енді олардың ата-аналарына өмірлік жәрдемақы тағайындалуы мүмкін.
Қолданыстағы ереже бойынша мұндай жәрдемақы мүгедек бала 18 жасқа толған соң тоқтап қалады. Бұл мәселе Қазақстанда 7 жылдан бері көтеріліп келген. Бүгін Еңбек және халықты әлеуметтік қорғау вице-министрі Нұржан Әлтаев мәжіліс депутаттарына әлеуметтік қамту жөніндегі жаңа заңды таныстырды. Қазір әсіресе ауылдағы ағайын үшін әлеуметтік қызмет қолжетімсіз, көрсетілетіні сапасыз. Салада арнайы білімі жоқ маман да жұмыс істеп жүр. Сондықтан құжат әуелі саланы білікті мамандармен қамтуды көздейді. Сосын жаңа заң өз-өзін жұмыспен қамтыған азаматтарды көлеңкеден шығарады. Вице-министр солай дейді.
Фахриддин Қаратаев, ҚР Парламенті Мәжілісінің депутаты:
-Өз-өзін жұмыспен қамтылған дегенде помидор тереді, нәпәқасын тауып жүр. Бала-шағаны асырау қиын жағдайд өмір сүріп жатыр. Әсіресе, оңтүстік өңірлерде көп кездестік. Осы мәслені кім анықтайды?
Нұржан Әлтаев, ҚР Еңбек және халықты әлеуметтік қорғау вице-министрі:
-Біз қазір 70 мыңдай азамат қазір кәсіпкер болып тіркелді. 500 мыңнан астам келісім-шартқа отырып, зейнетақы төлемін жасайтын болды. Жұмыс жалғаса береді. Әр өңірде комиссиялар құрылатын болады. Олар тек мемлекеттік органның өкілдері ғана емес.
![](https://s2.save4k.ru/pic/Z23_sX_7ap0/maxresdefault.jpg)