Mamia ya wananchi katika Kitongoji cha Kirungu Mokala, Kata ya Kelamfua Mokala wilayani Rombo wamejitokeza kwenye mazishi ya marehemu Athanas Mrema (59) ambaye amezikwa yeye na mwanaye mmoja na mjukuu katika eneo moja.

Maziko hayo yamefanyika leo Februari 6, 2023 katika kitongoji cha Kirungu Mokala walipozikwa Athanas Mrema, Agustina Mrema, Tonny Mrema, Kennedy Mrema, Godfrey Mrema huku Nestory Kiwango amezikwa kijiji Cha Shimbi.

Ajali hiyo iliyoua watu 14 wa familia moja kati ya 20 ilitokea Februari 4, 2023 katika eneo la Magira Gereza, Kata ya Magira Gereza, wilayani Korogwe, Barabara ya Segera - Buiko mkoani Tanga.

свернуть