Ka marrë fund ankthi i listave zgjedhore për Partinë Socialiste, forcën kryesore që qeveris vendin dhe që synon të marrë një mandat të tretë në zgjedhjet e 25 prillit. Gati 1 orë para skadimit të afatit zyrtar për dorëzimin e listave në KQZ sekretari i përgjithshëm i socialistëve Taulant Balla ka publikuar listat për të 12 qarqet e vendit. Ajo që bie ne sy me një vështrim të parë të listave, është kryesimi në 10 prej tyre nga gra, dhe vetëm në dy qarqe listat kryesohen nga përfaqësues meshkuj. Vet kryesocialisti Edi Rama garon në dy qarqe, në Vlorë dhe Durrës, por në asnjë prej tyre nuk eshtë renditur në krye të listës, por i teti duke synuar qartazi marrjen e mandateve maksimale në këto dy zona të rëndësishme zgjedhore. Ndërkaq qarku më i rëndësiëshëm në vend, Tirana kryesohet nga inxhinierja e njohur 77 vjeçare Luljeta Bozo, që ishte një prej surprizave të këtyre listave dhe që u bë publik javën që shkoi nga kryeministri Rama gjatë një aktiviteti që lidhej me përzgjedhjen e kandidatëve. Pas saj vjen Najada Çomo, shefja e spitalit Covid1, që gjithashtu ishte një tjetër prurje nga ana e PS në këto zgjedhje. Lista e Tiranës pasohet nga emra të njohur si Ervin Bushati, Ogerta Manastirliu, Arben Ahmetaj, Ulsi Manja, Etilda Gjonaj , Arben Pëllumbi, Elisa Spiropali dhe Belinda Balluku. I parafundit në listën e PS për Tiranën është renditur deputeti i opozitës aktuale parlamentare Halit Valteri. Sa i takon qarkut të Durrësit, Lista kryesohet nga ministrja aktuale e Bujqësisë Milva Ekonomi, pas saj vjen Alban Xhelili, Jurgys Çyrbja, Klodiana Spahiu, Ilir Ndraxhi, Rrahman Rrahja, Lefter Koka dhe Edi Rama i teti. Në qarkun e Elbasanit në krye qendron ministrja e Arsimit Evis Kushi, pas saj vjen Klevis Xhoxhi, ndërsa numri 2 i socliastëve Taulant Balla është renditur i 8 në listë. Në një tjetër qark të rëndësishëm për socialistët, atë të Fierit, në krye qëndron zv.kryeministri Erjon Braçe, i ndjekur nga Petro Koçi, një emër i njohur i socialistëve që pritet të rikthehet në Kuvend pas shumë vitesh. Në qarkun e Beratit, lista kryesohet nga dy emra të rinj në politikë, Hatixhe Konomi dhe bardhyl kollçaku. Ndërsa në qarkun e Vlorës, në krye janë Pravvera Resulaj dhe andulel tahiraj, në Gjirokastër Mirela Kumbaro dhe Laert Duraj. Në qarkun e korçës Eni Zaka dhe ilirjan pendavinji. Në dibër Lavdrim Krrashi dhe aurora marra, në lezhe Lindita Nikolla dhe eduart Ndreca, në Kukës lista kryesohet nga Greta Duraku dhe Petrit malaj. Ndërsa qarku kryesor i veriut, ai i Shkdorës ka në krye të listës Elona Bilalin dhe pasohet nga Paulin Sterkaj, Benet Beci dhe Ilir Beqja.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#EdiRama#ListatZyrtare#TopChannel
Ещё видео!