Каспий саммитінен кейін Елбасы Нұрсұлтан Назарбаев төрт елдің президентімен жеке-жеке кездесті. Иран Ислам Республикасының президенті Хасан Рухани екі ел арасында сауда-саттық, әсіресе, ауыл шаруашылығындағы әріптестік қарқынды дамып келе жатқандығын айтты. Бұл ынтымақтастықты одан әрі дамытуға мүдделі екендіктерін жеткізді. Нұрсұлтан Назарбаев пен Түркіменстан президенті Гурбангулы Бердімұхамедов кездесу барысында осы айдың соңында Арал теңізі мәселесі бойынша өтетін жиын туралы айтып, негізгі мәселелерді талқылады. Әзірбайжан президенті Ильхам Алиев тараптар арасындағы тығыз байланысты жаңадан ашылған «Құрық» порты одан әрі нығайта түсетінін айтты. Нысан Әзірбайжан үшін де көлік-логистикалық әлеуетін арттырып, мүмкіндіктерін кеңейтеді. Нұрсұлтан Назарбаев пен Ресей президенті Владимир Путин Петропавл қаласында өтетін өңіраралық форум мен Душанбеде болатын ТМД саммитінің бірқатар мәселелерін талқылады.
![](https://i.ytimg.com/vi/ZCIuHPvgPDk/mqdefault.jpg)