Şeir : (sözləri)
Heç bilmirəm, baş açmıram özümdən.
Bir qızılgül büküb boynunu sənsiz.
Axı niyə ayrıldıq belə səbəbsiz,
Bir gün çıxıb getdin, səssiz-səmirsiz.
Nə səndən xəbər var, nə bir izindən,
Heç bilmirəm, baş açmıram özümdən.
Həsrət kölgə saldı baxışlarıma.
Qüssə-kədər çökdü arzularıma,
Sən gedəndən ağlar oldum halıma.
Yaş yerinə, qan damlayır gözümdən,
Heç bilmirəm, baş açmıram özümdən.
Bəlkə də sevməyi mən bacarmadım.
Bəlkə də sevilmək üçün yaranmadım,
Kaş gülüm !, Mən səni heç tanımazdım.
Düşdüm nə hallara, bir sevda üzündən,
Heç bilmirəm, baş açmıram özümdən.
Ümidsiz bir eşqin oldum əsiri,
Xəyallar içində qeyb olmuş biri.
Nə etsəm bu qəlbim unutmur Səni.
Bu eşqdə günahkar ya sənsən, ya mən,
Heç bilmirəm, baş açmıram özümdən.
07.11.2010
Söz müəllifi : © Samir Kərimov
Səsləndirən : Xəyal Məmmədov
Çıxış tarixi : 30.11.2011
