Ақордада мемлекет басшысы Нұрсұлтан Назарбаев еліміздің премьер-министрін қабылдады. Кездесу барысында Кәрім Мәсімов елбасын Үкіметтің ағымдағы және алдағы жұмысы туралы баяндап берді. Қазір әлемдік нарықтарда мұнай мен газдың бағасы төмендеп келеді. Есесіне, жақын көршілермен сауда-саттық бәсеңдеп отыр. Мұның барлығы дүниежүзілік экономикалық үдерістерге байланысты деді президент. Бірақ оған қарамастан, Қазақстан экономикалық көрсеткіштерді төмендетпей жылды тиісті деңгейде аяқтауы керек екенін тілге тиек етті. Өз кезегінде, премьер-министр Нұрсұлтан Назарбавтың үкімет алдына қойып отырған тапсырмалары орындалатынын жеткізді.
[ Ссылка ]
