Ky është Tomas Kruks, 20 vjeçari që plagosi me snajper Donald Trampin të Shtunën në një tubim në Pensilvani, në një foto të publikuar nga FBI që konfirmoi zyrtarisht identitetin e tij.
Mediat amerikane citojnë burime pranë FBI-së që thonë se në automjetin e autorit që u gjet pak metra larg vendit të ngjarjes, ishte zbuluar edhe një sasi eksplozivi që dyshohej se mund të përdorej në këtë ngjarje. Sipas tyre, snajperi i përdorur nga atentatori ishte me leje dhe ishte regjistruar në emër të të atit.
Filmimet e publikuara në rrjetet sociale hedhin dyshime se agjentët e sigurisë vepruan me vonesë për të mbrojtur kandidatin republikan. 20-vjeçari u shtri barkas në tarracën e një ndërtese njëkatëshe pranë vendit ku zhvillohej tubimi dhe u përgatit për të qëlluar Donald Trampin. Të pranishmit e venë re dhe njoftojnë agjentët, të cilët nuk shfaqen fare gjatë filmimit.
Një tjetër filmim tregon forcat e armatosura të sigurisë mbi çatinë e një tjetër ndërtese që mbikqyrin me dylbi zonën por nuk reagojnë menjëherë ndaj autorit, deri kur ai qëllon. FBI njoftoi se ngjarjen po e heton si një akt terrorizmi të organizuar brenda vendit dhe pista aktualisht nuk rezulton që Tomas Kruks të ketë patur bashkëpuntorë.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
![](https://s2.save4k.ru/pic/ZM3_dNEdrkw/maxresdefault.jpg)