Sri Lakshmi Padamalika
Lyrics: Srimad Tirumala Gudimella Venkata Varadharaju
Singer: Ghatti Sri Vidya
Composed by: Baggam Dhananjaya
Editing by : Sandeep Behara
Lakshmi Devi Devotional Songs
Published By : Musichouse
Sri Matha Digital Recording Studio, Vizag
లక్ష్మీ చాలీసా
అష్టలక్ష్మి నీ అవతారం... ఆశ్రిత రక్షణ మమకారం
పాలకడలిలో నీ జననం... పసుపూ కుంకుమ నీ రూపం || అష్టలక్ష్మి ||
అక్షయ సిద్ధికి ప్రతిరూపం.. రక్షింపవె మము అనునిత్యం
చంద్రుని చెల్లివి శ్రీలక్ష్మీ... వెన్నెల నవ్వుల వరలక్ష్మీ!
చంచలమౌ నీ కన్నులవే... చైతన్యానికి వన్నెలవే
అమృత మైనది నీ హృదయం అంబరీశ ఎద నీ నిలయం || అష్టలక్ష్మి ||
ఆకాశమంటును నీ తేజం.. నిను అర్చించుట సౌభాగ్యం
ఓంకారం నీతొలిమంత్రం శుభముల నొసగును శ్రీయంత్రం
శిష్ట విశిష్టుల సేవలవే.. ఇష్టము నీకవి ఇంద్రాణీ
నిష్టతొ కొలిచిన నినుచాలు.కష్టము తొలగును అలిమేలు
సృష్టికి మూలము నీవు గదే దృష్టిని మాపై చూపు సదా
అష్టలక్ష్మివై రావమ్మా.. విష్ణువు ప్రియసఖి నీవమ్మా
కుబేర మంత్రపు కలశముతో కుచేల బాధలు తొలగునులే
కరుణను చిలికే కన్నులతో.శరణము నీయవే శాంతిప్రియే || అష్టలక్ష్మి ||
సిరి సంపదలకు సన్నిధివే ధరణిని కాచే పెన్నిధివే
శ్రీ అక్షరమున స్థిరముగను మోక్షము నీయవే మహాలక్ష్మీ
భక్తి కొలనిలో పద్మ సఖీ! పద్మ సుహాసిని ప్రణవముఖీ
పద్మ నాభునికి ప్రియసఖివే పద్మాసినీశ్రిత పాలినివే!! || అష్టలక్ష్మి ||
దేవత సురగణ పూజితవే దివ్యాంబర ధర మాలికవే
ధర్మ పీఠమున దక్షతతో ధర పాలింపవె ధనలక్ష్మీ
ఇంద్రాది గణము సేవింప ఇరవుగ కొలువగు హిరణ్మయి
రాజ్యలక్ష్మివై పాలించే రమణీ లలామ రాగమయి || అష్టలక్ష్మి ||
పూపుప్పొడిలో పరిమళవే పొలతీ నీవే నవకళవే
చేమంతులలో హేలవులే హేమంతానికి రాణివిలే
కరకమలమ్ముల కల్హారం.. గిరి కనుమలలో సింధూరం
కామితాదాయిని కమలాక్షీ నీరజ నిర్మల నిగమాంగీ || అష్టలక్ష్మి ||
డోలాసురులను వధియించే శూలాయుధధరి శ్రీలక్ష్మీ
హాలాహలమును ఛేదించే లీలామానుష రూపిణివే
జేష్ఠ నక్షత్ర ప్రియ సఖివే సృష్టికి మూలాధారిణివే
స్పష్టముమాకిది నీదరిలో నష్టము కలుగదు గమనములో || అష్టలక్ష్మి ||
భృగుముని పుత్రిక నీవమ్మా భువనము నేలగ రావమ్మా
నగవులు చిలికెడు నవమల్లీ నిగమ రూపిణివి మా తల్లీ
శంఖుచక్రములు కరములలో శాంతిభావనలు ఎదసడిలో
శశాంకవన్నెలు వదనములో ప్రభాతవెలుగులు కన్నులలో || అష్టలక్ష్మి ||
నీరజ నినుమది నిలిపినచో నిత్యశుభమ్ములు నీదరిలో
మడిలోమాన్యము నింపుటకై ధాన్యలక్ష్మివై దయగొనుమా
విద్యలన్నిటికి నాయికవై విశ్వమునేలవె దేవతవై
వీణాపాణివి నీవు గదే విద్యాలక్ష్మిగ కావగదే || అష్టలక్ష్మి ||
బాలలలో పసిపాపవులే పాలకడలి ఒడి బాలికవే
సంతోషాలను కలిగించే సంతానలక్ష్మివి నీవెకదే
హంస గమనమే నీదమ్మ హింసను అణచగ రావమ్మా
సింహవాహినీ నా ఎదలో స్థిరముగ కొలువై ఉండమ్మా || అష్టలక్ష్మి ||
కరమున ఖడ్గపు మిలమిలతో వీరలక్ష్మివే విరిబోణీ
ఘుమఘుమ పరిమళ సొగసులతో డమరుకధరునికి సోదరివే
ఐరావతములు సేవించే ఐశ్వర్యానికి దేవతవే
సకల సంపదల సంభరితం సౌభాగ్యలక్ష్మీ నీ సదనం || అష్టలక్ష్మి ||
వేదనాదముల ఘోషలతో విజయలక్ష్మి నిను కొలిచెదము
సామవేదముల సరిగమలో జ్ఞాన నిధులు అందింపుమిక
ఐహిక జీవన గమనంలో ధైర్యలక్ష్మివై దరి నిలుమా
హిరణ్యమయివై రావమ్మా మా హృదయాలివి నీవమ్మా || అష్టలక్ష్మి ||
హరిణలోచనీ నీ రూపం హరి హృదయానికి ఆభరణం
చరాచరమ్ముల చైతన్యం హిరణ్మయీ నీ కర చరణం
అఖిల జగతికొక అమ్మవలె ఆదిలక్ష్మి నిను కొలిచెదము
అండపిండముల బ్రహ్మాండాలకు ఆధారానివి నీవమ్మా
అష్టలక్ష్మి నీ అవతారం... ఆశ్రిత రక్షణ మమకారం
పాలకడలిలో నీ జననం... పసుపూ కుంకుమ నీ రూపం
పాలకడలిలో నీ జననం... పసుపూ కుంకుమ నీ రూపం
పన్నగశయునికి ప్రియసఖికై విన్నపమిది విను విమలధరి
ఎన్నగ భువిలో నీకన్నా మిన్నగు దైవము లేదు కదా
కామధేనువే నీ వెంటా.. కల్పతరువు నీ వరపంట
అర్చించే నీ భక్తులకు.. అదృష్టలక్ష్మివి శ్రీదేవీ!
అష్టలక్ష్మి నీ అవతారం... ఆశ్రిత రక్షణ మమకారం
పాలకడలిలో నీ జననం... పసుపూ కుంకుమ నీ రూపం
పాలకడలిలో నీ జననం... పసుపూ కుంకుమ నీ రూపం
కోటి ప్రభాకర వెలుగులలో సాటి రారు నీకెవరమ్మా
వైకుంఠానికి నాయికవే వైభవలక్ష్మీ మా జనని
వేయి కన్నులవి చాలవులే విశ్వమాత నిను చూడంగా
మాయా మోహము తొలగునుగా మాతా నిను మది తలువంగా!!
అష్టలక్ష్మి నీ అవతారం... ఆశ్రిత రక్షణ మమకారం
పాలకడలిలో నీ జననం... పసుపూ కుంకుమ నీ రూపం
పాలకడలిలో నీ జననం... పసుపూ కుంకుమ నీ రూపం
మంత్ర స్వరూపిణి మహాలక్ష్మీ శాంతి సుఖమ్ములనీవమ్మా
యాంత్రికమౌ మా గమనంలో మంత్రము కావే మహాదేవి
చిన్మయ రూపపు కాంతిగనీ తన్మయమొందెద శ్రీ మాతా
కర్మబంధములు తొలగించే కమ్మని అభయము నీకరము!
అష్టలక్ష్మి నీ అవతారం... ఆశ్రిత రక్షణ మమకారం
పాలకడలిలో నీ జననం... పసుపూ కుంకుమ నీ రూపం
పాలకడలిలో నీ జననం... పసుపూ కుంకుమ నీ రూపం
సకల దేవతారూపిణివై శుకపికరవముల సన్నిధిలో
మణిమయ కాంతుల మకుటముతో మహిమను చూపవే మహాలక్ష్మీ
సురగణసన్నుత లాలనలో వరములనొసగుము వనలక్ష్మీ
జనగణ మనమల జయనాదం గణగణ అందెల నీపాదం
అష్టలక్ష్మి నీ అవతారం... ఆశ్రిత రక్షణ మమకారం
పాలకడలిలో నీ జననం... పసుపూ కుంకుమ నీ రూపం
పాలకడలిలో నీ జననం... పసుపూ కుంకుమ నీ రూపం
మేఘ తటిల్లత మాలికవే రాగసుధామయ ప్రకృతివే
ప్రీతి పుష్కరిణి నీవమ్మా...ధాత్రి రక్షణకు రావమ్మా
పడతికి నుదుటను కుంకుమగా ప్రకాశింపవే ప్రతి నిత్యం
మంగళ రూపిణి మా తల్లీ ఇందు శీతలీ హిమవహ్నీ!!
అష్టలక్ష్మి నీ అవతారం... ఆశ్రిత రక్షణ మమకారం
పాలకడలిలో నీ జననం... పసుపూ కుంకుమ నీ రూపం
పాలకడలిలో నీ జననం... పసుపూ కుంకుమ నీ రూపం
మంగళమమ్మా మా జననీ మముదయగనుమా మహాలక్ష
సంపదలసగే శ్రీకరణీ.. హారతి నీకిది హరి పత్నీ!!
అష్టలక్ష్మి నీ అవతారం... ఆశ్రిత రక్షణ మమకారం
పాలకడలిలో నీ జననం... పసుపూ కుంకుమ నీ రూపం
అష్టలక్ష్మి నీ అవతారం... ఆశ్రిత రక్షణ మమకారం
పాలకడలిలో నీ జననం... పసుపూ కుంకుమ నీ రూపం
పాలకడలిలో నీ జననం... పసుప
కరుణను చిలికే కన్నులలో కమలము విరిసెను కాంతిమయీ
శరణము కోరెద నిన్నెప్పుడూ.. తరుణము నీ పద సేవనకై
ఎద కర్పూరము చేసితినీ..జే గంటను మ్రోగించితినీ
పద సన్నిధినే చేరితిని.. నిను నా మదిలో నిలిపితిన
