Bu sevgi qatarı tərpənir yavaş
Qaçıb arxasınca çata bilmədim.
Nədə ki, yerdən götürüb bir daş,
Qatar arxasınca ata bilmədim.
Soldu əllərimdə gül dəstə-dəstə
Öldü arzularım həmin o,kəsdə.
O,gedən qatarın reyisi üstdə,
Qəsd edib canıma yata bilmədim.
Sanki ayrılığa bu yol çəkilib
Bu yolda kədərim qəmim əkilib.
Gözlərim yoluna elə dikilib,
Başımı özgədə qata bilmədim.
Sevgi qatarına mən gecikincə,
Çırpınır ürəyim qatar getdikcə
Ayrılığa dözəcəyəm dedikcə,
Gözdə, göz yaşımı tuta bilmədim.
Az olan eşqini bildim çox kimi
İndi necə sanım,onu yox kimi ?!
Bir Sevgi yayından çıxan ox kimi,
Onun ürəyinə bata bilmədim
Vidalaşa bilmədik biz ən azı
Qismətdə pozulmur yazılan yazı
Aldığım uğursuz bilet kağızı
özgə birisinə sata bilmədim.
Sevənlər qovuşub həyatın qurdu,
Mənimdə sevdiyim ürəkdən vurdu.
Ay Ramil,qarşında ayrılıq durdu
Tutub yaxasından darta bilmədim
2017
💗ŞER - RAMİL MÜSEYIBOV 💗
