Avval xabar berganimizdek, 2021-yil 21-may kuni jahon iqtisodiyoti va diplomatiya universitetida (JIDU) "Covid-19 pandemiyasi sharoitida Markaziy Osiyoda barqaror rivojlanish maqsadlariga erishishdagi imkoniyatlar va xatarlar" mavzusida xalqaro ilmiy-amaliy konferensiya bo'lib o'tdi.
Konferensiya jarayonida post pandemik davrda transmilliy rivojlanish muammolarini hal etish masalalari muhokama qilindi. Xususan, transport korodorlarini rivojlantirish, logistika markazlari tashkil etish, davlatlararo savdoni mustahkamlash orqali davlatlarning hududlararo hamkorligini chuqurlashtirish.
Mamlakat iqtisodiyotini barqaror rivojlantirish va inqirozgacha bo'lgan davrda qaytarish uchun aholi uchun tadbirkorlik muhitini yaxshilash, kichik biznesni qo'llab-quvvatlash va ish o'rinlarini yaratish tartibini o'zgartirish orqali pandemiya oqibatida ishsizlikni bartaraf etish masalalari ham muhokama qilindi
Shuningdek, postpandemiya davrida barqaror rivojlanishga erishish uchun mamlakatimizda demokratik tuzilmalarning rolini kuchaytirish, chet el tajribasidan foydalanish va xalq va davlatning ochiqligi va o'zaro hamkorligi siyosatini yuritish masalalari muhokama qilindi.
