Тарихымызды білу басты шарт. ХХ ғасырдың алып құрылысы саналған Түркістан-Сібір темір жолының алып құрылысы 1928 жылдың қоңыр күзінде басталды. Осыған байланысты қазіргі Шу қаласының орны елдің назарына ілінді. Бұған дейін тұрғылықты тұрғындары бар жапан даланың бір ұшпағы болатын.Осынау құрылысқа байланысты Одақтың әр түкпірінен қоныс аударған құрылысшылар, темір жол саласының мамандары осында бас қосты. Көпшілік білек тіресе іске кіріскендіктен бүкіл Одақтың екпінді еңбек аймағына айналды. Алып құрылыстың алғашқы жобасы бойынша темір жол Бішкектен Алматыға қарай тікелей тартылу тиіс еді. Ресей Федерациясы Халық Комиссарлар комитетінің төрағасы Тұрар Рысқұлов жобаны өзгертіп Қазақ ауылдарының қам қаракетін қарастырды. Ол Шу өзені бойындағы ел – жұрттың мақсат, мүддесін ескере келіп темір жол табанын Луговой арқылы тартуды ұсынды. Өзі іс басында болып оның жаңа жобаға сай салынуын бақылауда ұстаған. Қазақстаннан шыққан алғашқы темір жол маманы, кәсіби инжинер Мұхамеджан Тынышбаев бұл іске баянды басшылық жасаған. Осындай ілкімді ізденістердің нәтижесінде Шу өңірінде алғашқы темір жол қатынасы пайда болды. Осы аталмыш темір жолды ел игілігіне жарату үшін темірдей тәртіппен жұмыс атқарған айтулы азаматтардың да атын айта кеткен жөн шығар. Шу Локомотив Депосының майталман машинисі Березняк 1936 жылы Еңбек қызыл ту орденімен марапатталса ал 1937 жылы КСРО жоғарғы кеңесінің алғашқы шақырылған Депутаты болып сайланды.
Атап айтқанда Қазақ КСРО орталық атқару комитетінің 1937 жылғы 29 желтоқсанындағы шешімімен Шу стансасына қала түріндегі Кент атағы берілді. Ол кездегі стансадағы тұрғылықты тұрғындардың саны едәуір өсіп оның аумағы да кеңейе түскен болатын. Бұдан кейін Шу кенттіне көшіп келушілердің саны арта берді. Еліміздің солтүстік аймағын бойлап салынып жатқан темір жол құрылысы 1940 жылы Қарағанды темір жол құрылысы мен аяқталды. Кезекте тұрған Мойынты Шу желісін тарту белгіленген. Алайда Ұлы Отан соғысының басталуына байланысты бұл құрылыс кейінге қалдырылды. 1953 жылға қарай салынған Мойынты Шу 440 шақырымды құрайтын жол телімі соғыстан кейінгі жылдардың өзекті оқиғасы болды. Осы жылдары Қазақ ССР Халық Комиссарлар кеңесінің орынбасары Дінмұхаммед Ахметұлы Қонаев осынау тарихи істің басында болып тұсауын кесті. Алғашқы пойызды Мойынты стансасынан Әжмағамбетов Шу стансасынан Неверов сынды майталман машинистер алып шығып елге қуаныш сыйлай білді.
Тарихы терең Шу жеріндегі осындай игі істер әрі қарай да жалғасын таба білді. Атап айтсақ Шу қаласына Елбасы Нұрсұлтан Әбішұлы Назарбаевтың 1988 жылдың жаз айында Қазақ КССР министрлер төрағасы ретінде , сондай ақ 1995 жылғы 5 қаңтарда және 2005 жылдың 26 сәуірінде Қазақстан Республикасының Президенті ретінде Шу қаласына арнайы іс – сапармен келіп қайтқанын әрдайым зор мақтаныш тұтады.
Тоғыз жолдың торабында орналасқан Шу қаласының тыныс тіршілігі темір жолмен тікелей байланысты болғандықтан, әлеуметтік жағдайының көтерілуі, экономикалық дамуы осы шойын жолымен жұмыс істеген жұмыскерлердің маңдай тері, еткен еңбектері деп айтсақ артық айтқандық емес. Осындай темір жолшылар қаласының 50 жылдық мерей тойына орай Шу қаласының кіре берісіне орналасқан поровоз, қала темір жолшыларының мақтанышы. Әрине бұл өткен күннен белгі бар деген осы.
