Në fund të tetorit të këtij viti, Ilir Meta dhe Monika Kryemadhi do të festonin 26 vjetorin e martesës së tyre. Çifti bëri celebrimin në një ceremoni me një grup miqsh të ngushtë, mes të cilëve edhe Erion Braçe, më 29 tetor të vitit 1998 në Bashkinë e Tiranës, drejtuar në atë kohë nga Albert Brojka.
Por, pas më shumë se dy dekada e gjysmë martesë, Ilir Meta njoftoi padinë për divorc ndaj Kryemadhit, ku ajo që bie në sy është se adresa e kontaktit që ka vendosur është ish-Presidenti është Partia e Lirisë. Adresa sugjeron se çifti nuk jeton në të njëjtën çati. Në fakt, ka kohë që në Tiranë flitet për largim të Ilir Metës nga banesa e përbashkët. Zërat u përforcuan pak javë më parë nga Monika Kryemadhi, që në një intervistë televizive e konsideroi të ngrirë raportin bashkëshortor me Ilir Metën.
Kryemadhi tha se konflikti në çift nuk ishte as parimor dhe as moral, por i nxitur nga qëndrimet e ndryshme politike të tyre. Ilir Meta ka fajësuar Kryemadhin për djegien e mandateve dhe bojkotin e zgjedhjeve vendore të 2019-s.
Por, duke u nisur nga deklaratat publike të Ilir Metës, ndarja mes tyre nuk ka lidhje më shumë me politikën se sa me drejtësinë dhe SPAK-un që ka nisur hetim pasuror ndaj tyre. Meta la të kuptohej qartë se për të kishte qenë i papranueshëm qëndrimi Kryemadhit ndaj Prokurorisë së Posaçme kundër Krimit të Organizuar dhe Korrupsionit, në një kohë që ajo “ishte në dijeni të gjithë veprimtarisë së SPAK-ut kundër bashkëshortit e të gjithë përpjekjeve për të shantazhuar persona të ndryshëm kundër Metës”, deklaroi ai duke shtuar se “Monika është më afër me SPAK-un se sa me mua. Por SPAK-u nuk e merr dot peng Ilir Metën, as përmes bashkëshortes, as përmes askujt tjetër”.
Qëndrimet e çiftit në proces divorci tashmë ndaj SPAK-ut janë krejtësisht të kundërta. Nëse Ilir Meta ka sulmuar Altin Dumanin duke e konsideruar atë kreun e një organizate mafioze, Monika Kryemadhi ka mbajtur një qëndrim më të vetëpërmbajtur dhe hera-herës edhe mbështetës për SPAK-un.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Cifti#Meta#Ndarja
![](https://i.ytimg.com/vi/ZkJ8xNg0WL8/maxresdefault.jpg)