Ҳунарманди халқии Тоҷикистон, актрисаи номии тоҷик Марям Исоеваи 84- сола аз коронавирус шифо ёфтааст. Дар ин бора Беморхонаи клиникии шаҳрии бемориҳои сироятии шаҳри Душанбе, воқеъ дар маҳаллаи Зарафшон дар саҳифааш дар Фейсбук хабар додааст.
"19 июл собиқадори меҳнат, ҳунарпешаи театр ва синамои тоҷик, Ҳунарпешаи халқии Тоҷикистон Марям Исоева, ки бо нишонаҳои бемории короновирус бистарӣ буд, баъди табобат аз беморхона ҷавоб дода шуд", - навиштааст манбаъ.
"Ҳунарпешаи театр ва синамои тоҷикро пас аз кӯшишу заҳмати зиёд бо як рӯҳияи баланд аз тарафи профессор Раҳмонов Э., сартабиби беморхона ва табибону ҳамшираҳо баъди барқарор шудани саломатиаш ба хонааш ҷавоб дода шуд", - афзудааст манбаъ.
Ёдрас мешавем, пештар хабаре паҳн шуда буд, ки Марям Исоева аз бетаваҷҷӯҳӣ аз ҷониби кормандони соҳаи тибб дар ин бемористон шикоят кардааст.
"Ман хеле азият мекашам. Ҳамшираҳо сӯзандору гузаронида зуд баромада мераванд, ба ман касе нигоҳ намекунад. Илтиҷо мекунам, ки ба ман парастори алоҳида диҳанд, ки ман мемурам. Дар ин ҷо аз бетаваҷҷуҳӣ маро мекушанд" – гуфта буд ӯ.
Марям Исоева, ҳунарпешаи халқии Тоҷикистон 84 сол дошта, ҳудуди 20 рӯз дар Бемористони бемориҳои сироятӣ дар маҳаллаи Зарафшон бо нишонаҳои короновирус бистарӣ буд.
МАРЯМ Исоева аз КОРОНАВИРУС шифо ёфт
Теги
ҳунарманди точик дар беморхонаҳунарманд ковид шудкоронавирускоронавирус дар точикистондаргузашти ҳунармандончанозаи убайдулло рачабовмарги Убайдулло рачабов аз ковидкоронавирус убайдулло рачабовро аз мо гирифтактёриактёри точикхунармандхачвнигнорхабархои охиринхабархои точикистону чахонгазетаи точикистонпресса тчмарги убайдуллоМарям ИсоеваМарям Исоева чи ҳол дорадМарям Исоева ҳунарманди точик ковид шуд