Hər dəfə bir kitabdan. Tövsiyələrə açığam.
"Mənim bildiyimi siz bilsəydiniz,az gülüb çox ağlayardınız..."
Allahın Rasulu Muhamməd
(Ona və ailəsinə Allahın salamı olsun)
...Yaddaşında qalanlar onun yüksək intellektə malik qeyri-adi qadın olduğunu söyləməyə, bəlkə də, əsas vermirdi. Lakin anasında bir nəciblik, təmizlik vardı. Çünki əsaslandığı yaşam meyarları təqlid deyildi,öz içərisindən gəlirdi. Hissləri təbiətindən irəli gəlirdi, hansısa kənar qüvvənin təsiri ilə onları dəyişmək qeyri-mümkün idi. Nəticəsini görməyəcəyi işin mənasızlığı fikri ağlına da gəlməzdi. Kimisə sevirsənsə, deməli, onu bütün varlığınla sevməlisən. Ona artıq heç bir şey vermək iqtidarında deyilsənsə,son zərrəsinə qədər sevgini verməlisən. O vaxt, Winston bacısının şokolad tikəsini əlindən qapanda anası qızcığazı sinəsinə daha möhkəm sıxmışdı. Aydındır ki, bunun heç bir faydası yox idi.Heç nə dəyişmirdi, şokolad geri qayıtmırdı. Bu hərəkəti ilə özünün, yaxud qızcığazın başı üzərindəki təhlükənin qarşısını almaq da mümkün deyildi. Amma anası məhz belə edə bilərdi. Qayıqdaki qaçqın qadın da pulemyot güllələri qarşısında bir sipər kimi kağızdan da davamsız olduğunu bildiyi halda, əlləri ilə balaca oğlunu qorumağa çalışmışdı. Partiyanın gördüyü ən dəhşətli iş insanları yaxşı əməllərin, xeyirxah hisslərin mənasızlığına inandırması idi...
...Prollar insani sifətlərini qoruyub-saxlamışdılar. Daxilən daşlaşmamışdılar. Winston indi şüurlu şəkildə yenidən geri qaytarmaq istədiyi sadə insani hisslərini mühafizə etmişdilər. Bunu fikirləşəndə yerinə düşməsə də, özünün bir neçə həftə əvvəlki hərəkətini-səkidə gördüyü kəsilmiş insan əlini kələm kötüyü kimi təpiyi ilə vurub yolun kənarındakı çirkab arxına atdığını xatırladı.
-Prollar insandır, -deyə düşüncələrini bərkdən dilə gətirdi-biz isə insan deyilik."1984"
#islamicholybook #islam #dram#books #booktube #psicologia #1984 #georgeorwell
