Join this channel to get access to perks:
ئەگەر دەتەوێت هاوکاریمان بکەیت کلیک لەم لینکە بکە .. سوپاس 👍
[ Ссылка ]
----
🔴 KURD PLUS contents are licensed by storyblocks.
---
#KURDPLUS
-------------------------
هه‌ردوو حكومه‌تى عێراق‌و هه‌رێم گه‌یشتنه‌ ڕێكه‌وتن له‌سه‌ر هه‌نارده‌ى نه‌وتى هه‌رێمى كوردستان،لەماوەی 72 کاتژمێرو كه‌متریشدا، لەژێر چاودێریی‌و کۆنترۆڵی سۆمۆدا، هەناردەی نەوت دەستپێده‌كاته‌وه‌و وەک نەوتی عێراق دەفرۆشڕێت‌و داهاتەکەی دەخرێتە هەژمارێکی تایبەتەوە".به‌وته‌ى سه‌رچاوه‌ ئاگاداره‌كه‌، "له‌مه‌ودوا نه‌وتى هه‌رێم به‌هه‌مان نرخى پێشترى سۆمۆ ده‌فرۆشرێت‌و سه‌رله‌نوێ گرێبه‌ستى فرۆشتن له‌گه‌ڵ كۆمپانیاو كڕیاره‌كانى نه‌وتى هه‌رێمى كوردستاندا ده‌كرێته‌وه‌"."له‌كۆبونه‌وه‌كاندا وه‌فدى هه‌رێم داوایكردوه‌، جێگرى سه‌رۆكى كۆمپانیاى سۆمۆ به‌كورد بدرێت‌و له‌به‌رامبه‌ریشدا به‌غدا ڕه‌زامه‌ندى نیشانداوه‌و كه‌سێكى نزیك‌و باڵاى پارتى ئه‌و پۆسته‌ى پێده‌درێت".

هاوكات ئه‌وه‌ش زانراوه‌، دواى ئه‌وه‌ى هه‌ولێرو به‌غدا گه‌یشتنه‌ ڕێكه‌وتن، بڕیارە حکومەتی عێراق بەنوسراوی فەرمی داوا لەتورکیا بکات دەستبکاتەوە بەهەناردەکردنی نەوتی هەرێمی کوردستان لەڕێگەی بەندەری جەیهانەوە.

هه‌روه‌ك لەکۆبونەوەی نێوان نوێنەرانی کورد لەبەغدا کە پێکهاتبون لەد. فوئاد حسێن‌و بەنگین ڕێکانی لەگەڵ محەمەد شیاع سودانی‌و حەیان عەبدولغەنی، ڕێککەوتون حکومەتی عێراق نوسراوێک ئامادەبکات‌و سبەی بەفەرمی بۆ حکومەتی تورکیای بنێرێت.

لەنوسراوەکەدا حکومەتی عێراق بەفەرمی داوادەکات تورکیا دەست بەهەناردەکردنەوەی نەوتی هەرێم بکاتەوە لەبەندەری جەیهانەوە، ئەمەش لەچوارچێوەی ڕێککەوتنی نێوان هەولێرو بەغدا بۆ فرۆشتنی نەوتی هەرێم بەهاوبەشی لەنێوان کۆمپانیای سۆمۆ و وەزارەتی سامانە سرووشتییەکانی هەرێمی کوردستان.

لاى خۆیشیه‌وه‌ عاسم جیهاد وتەبێژی وەزارەتی نەوتی عێراق ئاشكرایكرد، "نەوت لەژێر دەسەڵاتی خۆماندایە ئەوە لەهەموو شتێك گرنگترە".

به‌وته‌ى جیهاد، وەفدێكی عێراق بەمزوانە دەگاتە ئەنكەرە بۆ ئەنجامدانی گفتوگۆ، جه‌ختیشیكرده‌وه‌، "كە نە ئەنكەرەو نە حكومەتی هەرێم، بڕیارەكەی دادگایان ڕەتنەكردۆتەوە، ئەوەش ئاماژە بەسەرەتایەكی نوێ‌ دەكات".

وتەبێژی وەزارەتی نەوتی عێراق زانیاریی ئەوەشی ئاشکراکردوە، بەغدا ئامانجی ئەوەیە میكانیزمێكی نوێ‌ بۆ هەناردەی نەوت دابنێت، كە لەژێر كۆنترۆڵی وەزارەتی نەوت‌و دامەزراوەی سۆمۆ دابێت، بەڵام تائێستا نەگەیشتونەتە چارەسەرێكی مامناوەند لەگەڵ حكومەتی هەرێمی كوردستان.
---
Background Music From YouTube Audio Library :
☀The Awakening - Patrick Patrikios
Background Music Licensed from storyblocks :
☀dark-tense-trailer-SBA-346652545
☀shocking-news-SBA-346407984

свернуть