ughecuyc.am-ն ինտերակտիվ քարտեզ է, որը տրամադրելով տեղեկություն և ցույց տալով մատչելի երթուղայինների ճանապարհագծերը, ինչպես նաև ՀՀ բոլոր հասարակական տարածքները՝ ըստ դրանց մատչելիության, ուղեկցում է հաշմանդամություն ունեցող անձանց։ ughecuyc.am-ում հնարավոր է թողնել գրառում նոր շինությունների վերաբերյալ, գնահատել և օգտվել հետադարձ կապից:

ughecuyc.am հավելվածի գործառույթներն են․
1․ Տալ տեղեկություն տեղանքի մատչելիության մասին
«Ուղեցույց» հավելվածից օգտվողը կարող է ստանալ տեղեկություն շինությունների ներառականության կամ անհարմարավետության մասին։ Օգտվողը կարող է նոր կետի մասին (շինություն, կառույց կամ վայր) ավելացնել տեղակություն և հետադարձ կապի միջոցով թողնել կարծիք ու գնահատական այդ կետի մատչելիության վերաբերյալ։

2․ Ցույց տալ հասանելի երթուղին
ughecuyc.am հավելվածից օգտվողը կարող է տեսնել ՀՀ-ում առկա ներառական հասարակական երթուղայինների ճանապարհագծերը։

3․ Արագ դիմումներ ուղարկել կառավարությանը
Երբ որևէ վայր կամ շինություն ստանում է տասը բացասական գնահատական, հավելավածն ավտոմատ հաղորդագրություն (բողոք) է ուղարկում համապատասխան մարմիններին՝ խնդիրը լուծելու։

Տեսանյութը պատրաստվել է «Բազմազանություն» սոցիալ-մշակութային, իրավապաշպան ՀԿ-ի կողմից՝ «Companion Map Armenia» ծրագրի շրջանակներում:
Հոլովակի հեղինակային իրավունքները պատկանում են ՀԿ-ին:
ԲՍՄԻ ՀԿ-ի Մեդիա քաղաքականությունների համաձայն արգելվում է տարածել տեսանյութն առանց պատշաճ հղման և առանց գրավոր համաձայնության, ներբեռնել և վերբեռնել կազմակերպության տարբերանշանը կրող տեսանյութերը՝ առանց համապատասխան համաձայնության:

Ֆեյսբուքում՝ Ուղեցույց հավելված ughecuyc.am
Էլ․-հասցե՝ ughecuyc@gmail.com
Հեռախոս՝ +37455793507
Telegram՝ @Ուղեցույցը

#CompanionMapArmenia #CMA #Ughecuyc #Ուղեցույց #DiverCityNGO #ԲազմազանությունՀԿ
_________________
Տեսանյութի տեքստը՝ հայերեն

Հավելվածում գրանցվելուց հետո կարող եք ավելացնել նոր վայրեր և գնահատել գոյություն ունեցող վայրերը: Նոր վայր ավելացնելու համար սեղմե՛ք «Իմ ուղեցույցի» վրա, ապա «Ավելացնել նոր վայր»: Ընտրե՛ք շինության տեսակը՝ բիզնես, բնակելի տուն, վարչական շենք, կանգառ կամ կայարան և այլն:
Լրացրե՛ք վայրի անվանումը:
Հավելվածում տվյալ վայրի աշխարհագրական կոորդինատները որոշելու համար կարող եք օգտագործել երկու տարբերակ:
1-ին տարբերակ. Եթե գտնվում եք անմիջապես ավելացվող վայրի տարածքում, սեղմե՛ք Ձեր գտնվելու վայրի ավտոմատ տեղորոշման կոճակը: Հասցեն կբեռնվի համապատասխան դաշտում և Ձեր գտնվելու վայրում՝ քարտեզի վրա նշան կավելացվի: Ուշադրություն, այս հնարավորությունից օգտվելու համար պետք է ի սկզբանե հաստատել գտնվելու վայրի աշխարհագրական տեղորոշումը:
2-րդ տարբերակ. Մուտքագրե՛ք վայրի հասցեն: Հասցեն մուտքագրելու ընթացքում կառաջարկվեն հուշումներ: Ընտրե՛ք հուշումներում հայտնված համապատասխան հասցեն:
Վայրի նշանը կավելացվի քարտեզի վրա:
Ցանկացած տարբերակով վայրն ավելացնելուց հետո, նրա կոորդինատները կարող եք հստակեցնել, տեղափոխելով նշանը քարտեզի վրա և խմբագրելով հասցեն:
Կետը ստեղծվա՜ծ է: Կարող եք անմիջապես անցնել դրա հասանելիությունը գնահատելու գործընթացին:
Վայրի հասանելիությունը գնահատվում է հարմարեցվածության մի քանի չափանիշներով: Ամեն չափանիշի դաշտում ընտրեք համապատասխան գնահատականը՝ հասանելի, ոչ հասանելի, մասամբ հասանելի: Եթե տվյալ վայրում պարտադիր չէ և չկա նշված կառույցը, ընտրե՛ք «կիրառելի չէ այս վայրի նկատմամբ» տարբերակը:
Ըստ ցանկության գնահատականը կարող եք համալրել անվանմամբ և մանրամասն բնութագրով։
Բոլոր դաշտերը լրացնելուց հետո սեղմե՛ք «Ավելացնել գնահատական»:
Կարող եք հաստատել, որ վայրը՝ գնահատականով հանդերձ ավելացված է՝ այցելելով հավելվածի գլխավոր էջ և գտնելով նոր ավելացված վայրը քարտեզի վրա:

свернуть