Женевада Сирия мәселесіне арналған кезекті келіссөздер басталды. Күн тәртібіне шығарылған мәселелер қандай? Қатысушылар кім?
Меруерт Жақан, тілші:
-Әлем жұртының назары қайтадан Женеваға ауды. Шам еліндегі шиеленісті шешуге арналған келіссөздердің кезекті раунды осы сәтте де жалғасып жатыр. Женевадағы кездесу төрт күнге созылады. Шараға қатысушы тараптар Сирияда жаңа үкімет құру, конституция жобалары, сайлау өткізу және лаңкестікпен күрес мәселелерін талқылайды. БҰҰ Бас хатшысының Сирия мәселесі бойынша арнайы өкілі Стаффан де Мистура бұл кездесудің Сирияда 4 қауіпсіз аймақ құру туралы келісімді нығайту үшін маңызы зор екенін айтты. Тиісті келісімге кепіл елдер Астанада 4 мамырда қол қойған еді.
Стаффан де Мистура, БҰҰ Бас хатшысының Сирия мәселесі бойынша арнайы өкілі
-Астанадағы кездесулерден кейін көп үміт күттірер келісімдер пайда болды. Біз Астана кездесулерінің нәтижелері берген мүмкіндіктерді қолдануымыз керек.
