Жамбыл облысындағы «Шөлдала» шекара бекетінде өз өзіне қол салған сарбаз Бекбол Мираштың қазасынан кейін бірнеше әскери қызметтерінен шеттетілді. Атап айтар болсақ, Жамбыл облысы бойынша шекара қызметі департаментінің басшысы, застава орналасқан шекара басқармасының бастығы, тәрбие ісі жөніндегі орынбасары мен застава бастығы бар. Ал 18 жастағы атыраулық жігітті ұрып-соққан деп қазір шекара қызметінің сержанты күдікті ретінде ұсталған. Ал, жұмысынан шеттетілген әскерилерге тергеу аяқталған соң тиісті шаралар қолданылады.
Өткен жылдың 19 тамызында 18 жастағы атыраулық Бекбол Мираштың белдігіне асылып қалғаны туралы ақпарат шыққан еді. Ең бірінші сөйлескен қызымен ренжісіп қалды деген нұсқа болса, кейіннен сарбазды ұрып, балағаттағанын көрген куәгерлер табылып шекара бөлімінің сержанты күдікті ретінде ұсталған болатын. Ал, жақында тағы бір сұмдық жайттың беті ашылды. Жәбірленуші тараптың өтініші бойынша биологиялық сараптама тағайындалып, марқұмның іш киімі мен футболкасынан шәует іздері табылған еді. Шекара қызметінің басшысы қазір тергеу жүріп жатқандықтан, мән-жайды толыққанды айтуға құқылы еместігін жеткізді. Және Ерлан Алдажұманов қазіргі жастар әскери өмірге дайын емес дейді.
ЕРЛАН АЛДАЖҰМАНОВ, ҚР Ұлттық қауіпсіздік комитеті төрағасының орынбасары - шекара қызметінің директоры:
– Қазіргі жастардың арасында әскери өмірге дайын еместері де бар. Мәселен спортпен шұғылданбайтындар, телефонға үңіліп, ортамен араласпайтындар үшін отан алдындағы борышын өтеу психологиялық соққы болады. Бұл жәй қаланы ғана ауыстыру емес. Сондықтан сарбаздарды бейімдеу үшін тәрбие ісі жөніндегі мамандар мен психологтар жұмыс істейді.









Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал

свернуть