حطمتني يا دنيا بزاف ما تزدنييش
باقي نسالك آه ومزال نستنا كعما حسبتنيش
ما عندي دلال سعدي راكد الزهر ما عنديش
حطمتني
ساعفتك بزاف عيت عيت جهد ما بقاليش
واقف غير بالسيف عيت نادي حد ما سمعليش
لو كان لقيت نروح نبعد نهجر كاع ما نوليش
يا ترا
كلشي معاك كسني غبنوني ندريت أنا غير بنادم
الضحكة عادتني توحشتها وليت في عقلي هايم
حاولت وجربت آه حتى اني عيت ونعرف الغاية الهم
خليني
خليني ساكت ما تهدرنيش خليني ساكت
جربت مين نحكي تسبقني دموعي نلقاها طاحت آه
يا ترا يدوم حالي هذا ولا ريح فايت آه
يا ترا
أنا عيشتي مرارت حالتي دبالت راني غير نلايم آه
دمعتي سالت روحي ماتت قوا عليا الهم
راني صابر وساكت الدنيا دارت واللي ينظر يفهم
وصابر
صابر وننظر والله ما نهدر قدام الناس واقف
ما عرفتش كي نعبر واللي تكوا يعذر مجرب وشايف
مغامر ومقمر في la fin نخسر مرودي موالف
سنين
سنين عياتني وأيام عاداتني سمايا تغيم
معذب ونعاني معزول وحداني من صغري نخمم
عيت نتحمل ما لقيتش حل أمري مسلم
خليني
خليني ساكت ما تهدرنيش خليني ساكت
جربت مين نحكي تسبقني دموعي نلقاها طاحت آه
يا ترا يدوم حالي هذا ولا ريح فايت آه
يا ترا
