જમો થાળ જીવન જાઉં વારી, ધોવું કર-ચરણ કરો ત્યારી ꠶ટેક

બેસો મેલ્યા બાજોઠિયા ઢાળી, કટોરા કંચનની થાળી;

 જળે ભર્યા ચંબુ ચોખાળી... જમો થાળ꠶ ૧

કરી કાઠા ઘઉંની પોળી, મેલી ઘૃત સાકરમાં બોળી;

 કાઢ્યો રસ કેરીનો ઘોળી... જમો થાળ꠶ ૨

ગળ્યાં સાટાં ઘેબર ફૂલવડી, દૂધપાક માલપૂઆ કઢી;

 પૂરી પોચી થઈ છે ઘીમાં ચઢી... જમો થાળ꠶ ૩

અથાણાં શાક સુંદર ભાજી, લાવી છું હું તરત કરી તાજી;

 દહીં ભાત સાકર છે ઝાઝી... જમો થાળ꠶ ૪

(પાંચ મિનિટ માનસી કરવી)

ચળું કરો લાવું જળઝારી, એલાયચી લવિંગ સોપારી;

 પાનબીડી બનાવી સારી... જમો થાળ꠶ ૫

મુખવાસ મનગમતાં લઈને, પ્રસાદીનો થાળ મુને દઈને;

 ભૂમાનંદ કહે રાજી થઈને... જમો થાળ꠶ ૬

свернуть