#2024 #proqnoz #bürclər
2023-ci ili başa vururuq. Çox ağır, çətin, müharibələr, fəlakətlərlə dolu bir il oldu. Kahinlərin - Vanqanın, Nastradamusun bir növ dediklərinin təsdiqini tapdığı çətin günlər yaşadıq. Artıq 2024-cü ili səbirsizliklə gözləyirik.
Hər kəsi düşündürən sual isə - bəs 2024-cü ildə bizi nə gözləyir?
2024-cü il Əjdaha ilidir.
YERİN QULAĞI KANALI 2024-CÜ İLƏ BAĞLI MƏŞHUR KAHİNLƏRİN PROQNOZLARINI TƏQDİM EDİR:
Fransız astroloq və kahin Mişel de Nostradamusun 2024-cü il üçün proqnozları gündəmdədir.
Kahin bu barədə 500 il əvvəl “Öncəgörmə” (“Les Prophéties”) kitabında yazıb.
Nostradamus gələn illə bağlı müharibə və dəniz döyüşləri proqnozlaşdırıb və “qırmızı düşmən”dən bəhs edib.
Fransız kahin yazır: “Qırmızı düşmən qorxudan solacaq, Sakit okeanı dəhşətə gətirəcək”.
Mütəxəssislərə görə, o, “qırmızı düşmən” dedikdə Çini nəzərdə tutub.
Nostradamusun iqlimlə bağlı öncəgörməsi də diqqət çəkir.
Kahinin proqnozu belədir: “Quru torpaq daha da quruyacaq, bu baş verəndə böyük daşqınlar olacaq”.
Nostradamus təbii fəlakətlərlə yanaşı, qlobal aclıq da proqnozlaşdırıb, zərərvericilərin dünyada böyük aclığa səbəb olacaqlarını iddia edib.
2024-cü ildə böyük zəlzələnin olacağını yazıb. Böyük ziyan və can itkisinə səbəb olacaq zəlzələ üçün “Buğanın 20-ci günü” ifadəsini işlədib. Bununla may ayını nəzərdə tutduğu deyilir, dəhşətli silkələnmənin isə ABŞ-nin Kaliforniya ştatında baş verəcəyi bildirilir.
Nostradamusa görə, 2024-cü ildə katoliklərin lideri (Papa Frrensisk – red.) dəyişdiriləcək.
Proqnoz belədir: “Çox yaşlı bir Papanın ölümü ilə yaşlı bir romalı seçiləcək. Onun haqda deyiləcək ki, bu, onun baxışlarını zəiflətdi. Amma uzun müddət oturacaq, gərgin fəaliyyətlərlə məşğul olacaq”.
Qarşıdan gələn il tektonik hərəkətlər, teraktlar ilidir. Konkret ölkə deməyəcəm, ancaq güclü yeraltı təkanlar olacaq, dünyada təbii fəlakətlər çoxalacaq. 2024-cü ildə dünyanı lərzəyə gətirəcək partlayış baş verəcək.
Bu sözləri tanınmış ekstrasens Zirəddin Rzayev deyib.
"2024-cü ildə baş verəcək fəlakətlər mənə atom bombasının partlayışını xatırladır. Amma deyə bilərəm ki, bu, nüvə silahı deyil, o effektə malik təbii vulkan püskürməsi, yaxud asteroidlə bağlıdır", - o bildirib.
Rusiya-Ukrayna məsələsinə toxunan Zirəddin Rzayevin sözlərinə görə, bu müharibənin həlli ilə bağlı inkişaf gözlənilir:
"Bu qarşıdurma 2024-ci ildə ya tamamilə bitəcək, ya da dondurulacaq. Ancaq qələbə Rusiyanın xeyrinədir".
O, Azərbaycanla Ermənistan arasında sülh sazişi istiqamətində gələn il müsbət addımların atılacağını vurğulayıb:
"2024-2026-cı illər sülh müqaviləsinin imzalanması üçün ən uğurlu zamandır".
Onun proqnozuna görə, növbəti il texniki və tibbi tərəqqi gözlənilir.
Eyni zamanda, ekstrasens müxtəlif növ virusların yayılacağını gözlədiyini də qeyd edib.

свернуть