Бүгінге дейін елімізде құрылған ауыл шаруашылығы кооперативтерінің саны 800-ден асты.
Олардың ішінде сүт қабылдайтін, ет өнімдерін әзірлейтін, көкөніс пен жеміс-жидек өсіретін, бал арасын әзірлейтін, сонымен қатар түйе және құс шаруалықтары бар. Байқағанымыздай ұжымдастыру бағдарламасының ауқымы кеңейген.
Шынында да ұжымдастыру бағдарламасына қатысушы шаруалар мен шаруашылық түрлерінің саны айтарлықтай артқан. Бағдарлама басталған кезде оған Ақмоланың он шақты диқаны ғана қатысқан екен. Мамандардың айтуынша, бүгінде олардың қатары 173 сүт қабылдау, 281 мал сою алаңы, 41 жеміс және көкөніс дайындаушылармен толыққан. Одан тыс бал арасын өсіретін 2 кооператив, 4 құс, 2 түйе 3 балық өсіру бойынша топтасқан шаруашылықтар тағы бар. Жалпы ұжымдастыру не үшін қажет. Осы тұста маман жауабына құлақ түрсек.
Нұрболат Мақашев, Ауыл шаруашылық кооперациясы департаменті директорының орынбасары:
– Бүгінгі таңда 80 пайыз сүт жеке қосалқы шаруашылықтарда өндіріледі. Бұған ұқсас жағдайлар ет пен көкөніс бойынша да құрап отыр. Нәтижесінде жұмыс істеп тұрған қайта өңдеу кәсіпорындарының шикізат жетіспеушіліген, қуаттылығын арттыру болып табылады.
Мамандар осылайша бұдан қос тарап та пайда көреді деп отыр. Олардың өнімділігіне келсек. Жыл басынан бері 25 мың тонна сүт, 8 мың тонна ет және 600 тонна жеміс пен көкөніс дайындалған. Копперацияға шағын шаруа қожалықтары мен қосалқы шаруашылықтарды тарту бойынша ауылшаруашылық, сондай-ақ еңбек және халықты әлеуметтік қорғау министрліктері мен облыстық әкімдіктер бірлес жұмыс жасауда. Жалпы 2021 жылға дейін еліміздегі ауыл шаруашылығы кооперативтерінің санын 1200-ге жеткізу көзделіп отыр.
