Lajme Arkiva 2003
Kryetari i Komisionit Qëndror të Zgjedhjeve Ilirjan Celibashi dorzojë padinë kundër ish kandidatit për kryetar bashkie Spartak Ngjela. Kreu i KQZ është takuar me kryeprokurorin e Tiranës Vexhi Muçmata, pas depozitimit të kallëzimit penal zoti Celibashi tha se kanosja e bërë dje nga zoti Ngjela pak para shpalljes së rezultatit përfundimtarë për zgjedhjet vendore të Tiranës ka elemente të qarta të veprës penale.
Ilirjan Celibashi: “Nesër ndoshta do të keni edhe një kopje të kallëzimit dhe të gjitha shprehjet dhe fjalët e zotit Ngjela të cilat unë i konsideroj si element të veprës penale. Kam përshtypjen qe gjatë kësaj perjudhe të fushatës paszgjedhore individ të ndryshëm kanë dalë në një qëndrim jo vetëm në kundërshtim me ligjin, për mua të klasifikuara si vepra penale, por edhe në aspektin moral”.
Akuza e kanosjes së Kodit Penal të Republikës së Shqipërisë parashikohet me një ndëshkim nga gjobë deri në dy vjet burg. Nëse pas verifikimeve organi i akuzës vëren konsumin të elementëve të kësaj vepre, ajo është e lirë të nis ndjekjen penale ndaj Ngjelës, i cili nuk e gëzon më imunitetin e deputetit. Po kjo prokurori është duke ndjekur një kallëzim të vetë zotit Ngjela për shpërdorim detyre dhe shkelje të së drejtës për të votuar kundër Komisionit Qëndror të zgjedhjeve dhe Ministrisë së Pushtetit Vendor, padi e depozituar rreth dy javë më parë./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
