Шалғайдағы Науалы ауылының балаларына енді дзюдо, еркін күрес, футбол сияқты спорт түрлерімен айналысу үшін қолайлы жағдай жан-жақты жасалып отыр.
Бұрын бос тұрған нысанды ауылдан шыққан білекті азаматтар мен тұрғындар «Туған жер» бағдарламасы бойынша бірлесіп қалпына келтірген.
Ұзақ жылдар бос тұрған мына ғимарат қазір адам танымастай өзгерген. Күрделі жөндеу жұмыстарына 23 млн теңге жұмсалыпты. Білекті азаматтар мен тұрғындар бірлесіп осындай игі шаруаға мұрындық болды. 35 жылға жуық ауыл балаларын жаттықтырып келе жатқан Дәулет Қазбек жаңа спорт кешені барлық талапқа сай екенін айтады.
