Ռուս խաղաղապահների վերահսկողության տակ գտնվող Լեռնային Ղարաբաղի տարածքում թուրքական ոչ մի ռազմաբազա չի լինելու՝ հայտարարել է Ռուսաստանի Պետդումայի ԱՊՀ, եվրասիական ինտեգրման և համերկրացիների հետ կապերի հարցերով հանձնաժողովի նախագահի առաջին տեղակալ Կոնստանտին Զատուլինը:
Ըստ նրա՝ Թուրքիայի հայտարարած՝ Լեռնային Ղարաբաղի վերականգնման մասին Ադրբեջանի հետ համաձայնագիրը դժվար թե հանգեցնի այնտեղ թուրքական ռազմաբազաների կառուցմանը:
Զատուլինը նշում է, որ համաձայնագրի իրականացումը կարող է հանգեցնել հակամարտության նոր բռնկման: Անդրադառնալով Ադրբեջանի ու Թուրքիայի միջև համաձայնագրի Շուշիում կնքմանը՝ Զատուլինը նշել է, որ այդ քաղաքը գտնվում է Լեռնային Ղարաբաղի մայրաքաղաք Ստեփանակերտին շատ մոտ, և, ամեն դեպքում դա ցուցադրական գործողություն է:
Նյութի աղբյուր՝ 1in.am
#lurer #zatulin #arcax #hayastan #adrbejan #rusastan #syunik #hapk #turkakanrazmabaza #sahman #arcax #aliev #pashinyan #sahmanazatum #erdoxan
