(Mahmud Abdulmomin)
Андижон воқеалари ҳақида шоир Юсуф Жумани 2005 йилда айтган сўзлари ва шеъри:
«2005 йил 17 майда ўзбекистон телеканали оркали шайх Мухаммад Содик Мухаммад Юсуф қамокда бегуноҳ ётган диндорларни айблади. Андижонлик бўла туриб қонга ботган Андижонга ҳамдардлик билдирмади.
Бир умр қурилган нақшин иморат
Ўт қўйсанг бир зумда бўлади ғорат.
Тоатдан кошона қурдинггиз, бироқ,
Хушомад олови айлади тупроқ.
Мен авом уққанни уқмадингизми?!
Хазратим, Худодан қўркмадингизми?!
Гўдаклар қонига чўкди Андижон
Кўзидан уммонлар тўкди Андижон.
Яна бир маҳшарни чекди, Андижон
Букилган қаддимни букди, Андижон!
Дилни эл ғамида сиқмадингизми?!
Хазратим, Худодан кўрқмадингизми?!
Шоирлари маддоҳ, олими нодон,
Аҳли хиёнатга иблисдир сарбон.
Букун Андижонга қулаган осмон
Йиғлайди Туркистон, йиғлайди Турон
Жонни Андижонга тикмадинггизми?!
Хазратим, Худодан қўркмадинггизми?!
Каъбадир мазлумлар Ҳақ деган майдон
Фарғона Каъбадир. Уққин мусулмон.
Пайғамбарлар рухи шу ерда гирён
Шу ерда гирёндир эр Дукчи Эшон.
Сиз жаллод қўйнидан чиқмадинггизми?!
Ҳазратим, Худодан кўркмадинггизми?!
Кўзиси сўйилса йиғлайди қўйлар
Отилган миллатни айтинг, ким ўйлар?!
Андижонда аза, Тошкентда тўйлар
Худодан кўркмаслар Худодан сўйлар.
Қўркув бутларини йиқмадинггизми?!
Хазратим, Худодан кўркмадинггизми?!
Шайхи сиз бўлсангиз, ёнади жоним,
Авомда не гина, бокий армоним.
Қиёмат кунида йўкдир гумоним
Ёқанггиздан олар, қон Андижоним.
Мазлум жонига жон суқмадинггизми?!
Хазратим, Худодан қўркмадингизми?!»
Юсуф Жума
![](https://s2.save4k.ru/pic/_bXRDsEkwmk/mqdefault.jpg)