#APATV #Laçın #erməni #BeynəlxalqMünasibətlərinTəhliliMərkəzi #Azərbaycan #Qisasəməliyyatı #Ermənistan #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2022 #canlıyayım #apacanlı #birbaşayayım #aparesmi
Ermənilər niyə Laçından əl çəkmirlər? - TARİXİ FAKTLAR
Beynəlxalq Münasibətlərin Təhlili Mərkəzində “Laçın: Post münaqişə dövrünün yeni mərhələsi” adlı dəyirmi masa təşkil edilib. APA TV-nin məlumatına görə, tədbiri giriş sözü ilə açan təşkilatın İdarə Heyətinin sədri Fərid Şəfiyev əsas müzakirənin Laçın şəhəri mövzusunda olduğunu deyib və əlavə edib ki, artıq şəhər Azərbaycanın nəzarətinə keçir. Laçının strateji əhəmiyyətindən söz açan Fərid Şəfiyev qeyd edib ki, şəhər işğal vaxtı daim beynəlxalq təşkilatların müzakirə mövzusu olub və indinin özündə də bəzi qüvvələr Laçına xüsusi status verilməsi üçün çalışırlar:
“Bəzi beynəlxlaq ekspertlər və bəzi vasitəçi təşkilatlar Laçın məsələsini gündəmə gətirirlər. Bugünki tədbirimizdə də Azərbaycanın bu məsələyə baxışı müzakirə edəcəyik. Eyni zamanda tədbirdə iştirak edən ekspertlər də gələcəkdə atılmalı olan addımlarla bağlı fikirlərini bölüşəcəklər. ”
Beynəlxalq Münasibətlərin Təhlili Mərkəzinin İdarə Heyətinin üzvü Esmira Cəfərova Ermənistanın üçtərəfli öhdəlikləri yerinə yetirməkdən yayınmağa çalışdığını bildirib. O əlavə edib ki, qarşı tərəf Azərbaycanın hücum diplomatiyası və “Qisas” əməliyyatından sonra Laçından çıxmaq məcburiyyətində qaldığını anlayıb:
“Ermənistan tərəfi başa düşür ki, Laçından və ətraf ərazilərdən çıxmalıdır, çünki onun başqa yolu yoxdur. Öhtəliklər var, Ermənistan bunu imzalayıb. Bunu yerinə yetirmək istəməsə də, buna məcburdur. Çox təəssüf olsun ki, Kəlbəcərdə şahidi olduğumuz dağıntıların Laçında da yaşayırıq. Hər biriniz də görürsünüz ki, orada nələr baş verir. Azərbaycan bu məsələdə çox qərarlıdır və Laçının strateji önəmi hamıya bəllidir. Ən azından öhtəliklərin yerinə yetirilməsi kontekstində Ermənistan buna məcbur edilməlidir.”
BMTM-in aparıcı məsləhətçisi Mətin Məmmədli də qeyd edib ki, bu günlərdə Azərbaycanın daha bir ərazisi üzərində suveren hüquqları bərpa olunacaq, Laçın şəhərində Azərbaycan bayrağı dalğalanacaq. Laçının etno-mədəni baxımından da azərbaycanlılara aid olduğunu və tarixən ermənilərin şəhərdə məskunlaşmadığını bildirən Mətin Məmmədli əlavə edib ki, ermənilər sovetlər dönəmində də Laçını özününküləşdirməyə çalışıblar:
“Ermənilərin bölgə ilə bağlı hər hansı bağlantıları və əlaqələri olmayıb. 1828-ci ildə Türkmənçay müqaviləsi bağlandıqdan sonra Qarabağa və Cənubi Qafqaza ermənilərin kütləvi köçü təşkil olunur və hətta ondan sonra belə Laçında ermənilər yaşamayıb. Bütün bunlara baxmayaraq, ermənilər hər zaman Qarabağa, Laçına öz siyasətlərində xüsusi önəm veriblər”.
Mətin Məmmədli onu da vurğulayıb ki, məhz Laçında 1918-ci ildə quldur Andranik və onun dəstələri özünümüdafiə qüvvələri tərəfindən mühasirəyə salınıblar. Andranikin qaçması və dəstəsinin məhv edilməsi də bu ərazilərdə ermənilərin olmamasının və Laçının onlar üçün hələ əsrin əvvəllərindən strateji əhəmiyyət daşıdığının sübutudur.
Daha sonra çıxış edən politoloq Zaur Məmmədov Laçın rayonunun Azərbaycana qaytarılmasına dair öhdəliyin üçtərəfli razılaşmada əksini tapdığını nəzərə çatdırıb və əlavə edib ki, Azərbaycan yeni yolu istifadəyə verib və ona görə də ermənilər Laçın şəhəri, Zabux və Sus kəndlərini tərk etməlidirlər. Politoloq onu da əlavə edib ki, yeni Laçın yoluna tətbiq edilən prinsiplər Zəngəzur dəhlizi ilə eyni olmalıdır.
Politoloq Fikrət Sadıqov isə Laçın şəhəri, Zabux v Sus kəndlərindən köçən ermənilərin bəzilərinin evləri yandırmasına diqqət çəkib və qeyd edib ki, həmin insanlar erməni diasporunun təsirindədirlər.
Politoloq Tofiq Abbasov isə Azərbaycanla bağlı həqiqətlərin təbliği üçün xarici media orqanları ilə təmasların artırılmasını vacib sayıb.
✅ Rəsmi saytımız: [ Ссылка ]
✅ Rəsmi facebook səhifəmiz: [ Ссылка ]
✅ Rəsmi instagram səhifəmiz: [ Ссылка ]
✅ Rəsmi twitter səhifəmiz: [ Ссылка ]
✅ Rəsmi teleqram səhifəmiz: [ Ссылка ]
✅ Rəsmi youtube kanalımız: [ Ссылка ]
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TƏKLİFİ ÜÇÜN (Contact) info@apa.tv
![](https://s2.save4k.ru/pic/_f8_yl3a6Rk/maxresdefault.jpg)