Фильмни томоша қилган инсон ҳақлари фаоли Мўътабар Тожибоеванинг айтишича, "Сотқин" фильмининг айнан Андижон фожиаларининг 10 йиллик санаси арафасида кино экранларига чиқарилиши тасодиф эмас.
"Фильмда Акромжон Йўлдошевнинг "Исломга йўл" рисоласининг йиртиб ташланиши, маҳбуслар яқинларининг қамоқдагиларни қутқариш учун қамоқхонага бостириб киришлари сингари эпизодларни тасодиф деб бўлмайди", - дейди Андижон қирғини шоҳиди.
Мўътабар Тожибоевага кўра, Ўзбекистонда ҳозирги шароитда Андижон воқеалари ҳақида на ҳужжатли ва на ҳаққоний бадиий фильмни суратга олиш имкони йўқ.
![](https://s2.save4k.ru/pic/_iKupzFDkXI/mqdefault.jpg)