#خلك_في_البيت


شيلة مرحوم يالغالي
كلمات / محمد بن عايد الخضير
أداء / فلاح المسردي
✦•┈┈┈•✦
✦
✦
الكلمات /
آه ياقلبي وش اللي جرالي
أيامي اللي باقيه مأساويه
البارحه والعلم ماسر حالي
في كبدي من الضيق نيران حيّه
يالله يالوالي عليك اتكالي
الواحد اللي عالمً بالخفيّه
يالله ياربي عظيم الجلالي
تغفر لبوي في كل ذنب وخطيّه
وانا اطلبك ثبّته عند السؤالي
اللي قضى فرظه وسنة نبيّه
قفّى وروّح من يشيل الثقالي
اللي ليا قفلت يحل القضيّه
مرحوم يالغالي كريم السبالي
مرحوم ياراعي السطر والحميّه
عزومي اللي تهد صمّ الجبالي
عند القبر مابه عزومً قويّه
عن دنيتي بعدك فنت للزوالي
ضاقت بي الدنيا وغصبً عليّه
صدري معاده مثل الأول شمالي
قمت اسطفق مابين روحه وجيّه
حالي عقب فرقاك ياويش حالي
يفوح فوح الدلةالشاذلية
انشهد انك محزمً مايبالي
ونفسك على كسب المراجل جريّه
من عقب ماشوفك وزولك قبالي
جاتك وقفّت بك سهوم المنيّه
وماغير اكرر صورتك في خيالي
في كل وقت وكل صبح وعشيّه
لبيه يازولك ليا من طرالي
انشهد ان مافيه بالكون زيّه
ياليت حالي فدوته لك ومالي
وياليت عمري لك يقدم هديّه
جعله جنان الخلد فالك وفالي
ونجتمع يابويه فيها سويّه
عسى المقافي راس منهو بقالي
عضيدي الوافي زبون الوليّه
✦•┈┈┈•✦
✦
✦
اشترك وفعل زر 🔔 التنبيهات ليصلك الجديد
Subscribe - Like - Comment & Share
✦•┈┈┈•✦
✦
✦
هنا ⇩ تجد أجمل الشيلات
[ Ссылка ]
[ Ссылка ]
✦•┈┈┈•✦
✦
✦
سنابي_أتشرف_بالجميع
Snapchat: [ Ссылка ]
✦•┈┈┈•✦

свернуть