Policia shqiptare ka bindjen se një grup prej disa personash kanë bashkëpunuar për të trafikuar rreth 500 kilogram kanabis nga vendi ynë drejt Malit të Zi. Tre ditë pas zbulimit të ngarkesës që kaloi në Han të Hotit, hetuesit kanë në dorë prova të reja.

Sipas burimeve mësohet se babë e bir Kristi dhe Ilirjan Orhan dërguan një kamionin në Portin e Durrësit për ta skanuar. Aty mjeti rezultoi i pastër por më pas atij kamionit iu hoqën targat, dhe iu vendosën kamionit tjetër tip Renault që ishte i ngarkuar me kanabis dhe me lëndë drusore.

Për kalimin drejt Malit të Zi babë e bir përdorën dokumente false të një kompanie fiktive të transportit dhe tregtimit të frutave të thata. Hetuesit kanë dyshime se droga u ngarkua në periferi të Tiranës apo në Durrës, dhe për këtë po punohet në zbardhjen e kamerave të sigurisë. Është duke u verifikuar vendi ku ka mbërritur kamioni që u skanua në Durrës dhe vendi nga u nis kamioni i ngarkuar me drogës, që iu vendosen targat e mjetit tjetër.

Kamioni tip Renault me paleta dërrase kishte si destinacion Austrinë. Lënda narkotike e ndarë në 185 pako ishte e vendosur në hapësirën e ngarkesës së kamionit dhe e siguruar me vulë doganore. Kamioni kaloi pa u pikasur nga pala shqiptare, ndërsa alarmi i sistemit të brendshëm doganor në territorin malazez zbuloi tentativën e trafikimit ndërkombëtar të drogës.

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan

свернуть