#oranews #protesta #saliberisha #ilirmeta #pd #partiaelirise
12 nëntori do të jetë data e protestës kombëtare që do të zhvillojë opozita. Këta e ka bërë të ditur vetë kreu i demokratëve, Sali Berisha, i cili ka konfirmuar se në këtë aksion opozitar do të ketë krahun më të fortë Partinë e Lirisë, por edhe parti të tjera opozitare në vend.
Berisha: Opozita shqiptare, PD, PL dhe forca të tjera opozitare nisin më datën 12 nëntor betejën e madhe kundër regjimit të urryer, absolutar, regjimit të narkoshtetit, regjimit të partisë shtet, regjimit te Edi Ramës.
Në të katër anët e Shqipërisë po bien sirenat e urrejtjes ndaj monizmit të Ramës, sirenat e alarmit ndaj gjendjes katastrofale të krijuar nga vjedhjet e mëdha të papërmbajtura të pasurive publike të qytetarëve shqiptarë.
Ka pasur e ka një interes të jashtëzakonshëm për protestat dhe përballjen me regjimin e partisë shtet, i cili në historinë kombëtare është regjimi më anti shqiptar pas regjimit të Enver Hoxhës. Unë kam besimin më të madh se të rinjtë të rejat e Shqipërisë që ndodhen në vend e ata të cilët janë larguar për shkak të pamundësisë së tyre për të përballuar jetën në Shqipëri, do bashkohen në protestën më të madhe që ka njohur Shqipëria më 12 nëntor për ti dhënë përgjigjen e merituar Edi Ramës e klikës së tij në pushtet.
Ky është një armik i egër i votës së lirë të shqiptarëve, një paçkitës i paskrupult përmes shtetit elektoral, patronazhisteve e terroristëve të kuq, përmes bandave kriminale dhe parave të drogës. Kjo deklaratë erdhi fill pas takimit që Sali Berisha zhvilloi me Ilir Metën në selinë blu. Ky i fundit bëri të ditur se ka një dakordësi të plotë mes dy partive më të mëdha opozitare në vend.
Partia e Lirisë do të respektojë primaret por është e gatshme dhe të bëhet pjesë e procesit.
Berisha: Sot patëm një takim shumë të mirë me Metën dhe Petrit Vasilin. Nesër në një konferencë shtypi të përbashkët do tju informojnë ju mbi rezultat e takimit. Tani gjithçka është dhe do të jetë në funksion të betejës së madhe, në funksion të protestave, asaj të 12 nëntorit.
Në mbështetje të plotë dhe totale të lëvizjes së sindikalistëve të universiteteve dhe biznesetë vogla dhe përpjekjeve të tyre për të mbijetuar në kushtet më të vështira.
Meta: Kudo ku ne si Parti e Lirisë kemi kandidatë të cilët premtojnë për komunitetin e tyre do ti përfshijmë në primare të përbashkëta me Partinë Demokratike dhe me parti të tjera të opozitës.
Po kështu është e rëndësishme që kandidatët që do të jenë të respektojnë njëri-tjetrin, përndryshe cilido i cili shfrytëzon primaret për të dmëtuar kandidatët e tjerë dhe jo për të shpalosur vizionin e tij të opozitës për bashkim, të përjashtohet nga gara.
Ashtu siç edhe ka deklaruar më herët, Meta kërkon të jetë forcë e parë në këshillat bashkiakë dhe ka propozuar një emër për kryetarin e parlamentit të Tiranës, për të cilin sipas tij, Berisha ka shprehur mbështetje të plotë.
Për më shumë lexoni në: [ Ссылка ]
Follow Televizionin Ora News
Website: www.oranews.tv
Youtube [ Ссылка ]
Facebook: [ Ссылка ]
Instagram [ Ссылка ]
Twitter [ Ссылка ]
![](https://i.ytimg.com/vi/_mncjZHbVQU/maxresdefault.jpg)