“Marhum kech sakkizda keladi” kitobini o‘qir ekanman, ayrim hikoyalar zamonaviy mistika prozasi ustalari Stiven King, Maykl Krayton va Din Kuntslarning darajasida bitilgan ekan, degan hayollarga ham bordim. Ayniqsa, “Liftga chiqqan besh kishi” hikoyasi menga katta ta’sir qildi. Bu asarning inson ongiga beradigan zarbasi juda kuchli. Boshqalar, men bilmadim-u, qanday xulosaga keladilar, ammo mening nazarimda ushbu ijod namunasi jahon adabiyoti durdonalari bilan bemalol raqobatlashadi. Nazarimda, bu teran falsafa bilan yo‘g‘rilgan asar. Yozuvchidagi ayni shu falsafiy mushohada va undagi yozuvchilik iste’dodi va iqtidori hayot qonunlarini bexato aniqlashga, ularni o‘quvchilar ongiga o‘ziga xos yo‘l bilan yetkazishga imkoniyat bergan.
![](https://i.ytimg.com/vi/_rBKFicBJ2k/maxresdefault.jpg)