“እንዲህም አላቸው፦ ወደ ዓለም ሁሉ ሂዱ ወንጌልንም ለፍጥረት ሁሉ ስበኩ።”
ማርቆስ 16፥15
" ኢየሱስም እንዲህ አላቸው። የሕይወት እንጀራ እኔ ነኝ፤ ወደ እኔ የሚመጣ ከቶ አይራብም በእኔ የሚያምንም ሁልጊዜ ከቶ አይጠማም።"
(የዮሐንስ ወንጌል 6:35
ባለብሰው ገላዬ አዲሱ ያረጃል
የተጫሙ እግሮቼ ሌላ ያምራቸዋል።
ደግሞ ይርበዋል ያበላሁት ሆዴ
ጥሜ ቆረጠ ስል ውሃ ጠማው አፌ።
የኑሮዬ ቋቱ ገደቡ ላይሞላ
ስባክን ስዳክር ብዬ እንዳልቀር ኃላ
ሰማዩን እረስቼ ምድሩን ቆንትጬ
አብላኝ አጠጣኝ ስል ለስጋዬ ሮጬ።
አይጠረቃ ህይወቴ አይሞላ ክፍተቴ
መቼ በቃኝ ያውቃል ይሄ ማንነቴ።
በምድራዊው አይደል በእህልና ውሃ
ለካስ እየሱስ ነው የመንፈስ ፍስሀ
ለካስ እየሱስ ነው የነፍሴ ፍስሀ።
የልቤ ሀሴት የውስጤ እርካታ
እየሱስ አንተ ነህ የነፍሴ ፋታ።
በአንተ ደስ ይለኛል ሁልጊዜ ሀሴት አደርጋለው
የሰጠኸኝ ደስታ ፍፁም ነው እፍለቀለቃለሁ
በአንተ ደስ ይለኛል ሁልጊዜ ሀሴት አደርጋለው
የሰጠኸኝ ተስፋ ፍፁም ነው እፈነድቃለሁ።
ባልበላም ጠግቤ አድራለው
ባልጠጣም እረክቼ እኖራለው
አንተ ካለህ ምን እሆናለው?
አንተ ካለህ ምን እሆናለው?
በረሀው ላይ አስቀኸኛል
ገነቴ ነህ አርክተኸኛል
ፍቅርህ ብቻ ይበቃኛል
መገኝትህ ያረካኛል
አንተ ካለህ ምን ያሻኛል
ፊትህ ብቻ ይበቃኛል።
የልባችንን ሀሳብ ፣የዐይናችን ትኩረት፣ የነፍሳችን ረሀብና የኑሮ ምኞታችንን ወደ ሰማይ ማየት ካላስለመድን፤ አንገታችንን ወደ ምድር በማቀርቀር የህይወት አቋማችን ይጉብጣል፤ ሳቃችን የውሸት ሆኖ ደስታችን ይሰረቃል። ከእናታችን ማህፀን ከወጣንበት ጊዜ ጀምሮ እስከሽበታችን በዚህ ዓለም የኑሮ ዘይቤ ላይ ብቻ ከተንጠለጠልን አወይ ምስኪንነታችን፤ ጥቂቱን ቀዳዳ ደፈንን ብለን ስንፈነጥዝ የሚመጣው ቀዳዳ በእጥፍ ተቀዶ ሲጠብቀን ስንደፍን ሲቀደድ፣ አዲሱ ሲያረጅ ፣ ያረጀውን ስንጠግን፣ የጠገነውን ስንለውጥ ወዘት መቸም መኖር ደግ ይኸው ዛሬም አለን። በዚህ የፉክክርና የውድድር ዓለም ውስጥ ከማን አንሰህ(ሽ) ነው ለሚለን የምድር ቱልቱላ ለመስማት እህህ ብለን ጆሮአችንን ከመስጠት አልፈን ልባችንን ከስጠን አቤት ክስረታችን። " መዝገባችን ባለበት ልባችን ደግሞ በዚያ አለና።"(የሉቃስ ወንጌል 12:34)መዝገባችን ባለበት ደግሞ የህይወት ምዕራፋችን ይዘጋል። እንግዲ በክርስቶስ ከሆንን " ኑሮዬ ይበቃኛልን "(1ኛ ወደ ጢሞቴዎስ 6:6) ልንማር ግድ ነው። ይህ ከሆነ ዘንዳ ኢየሱስ ክርስቶስ ያለምንም ማጀቢያና ማድመቂያ ድርብ ሸማችን ሆኖ በየትኛውም አቅጣጫ የሚመጣ የኑሮ ውርጭ ሳይጠብስን በእውነተኛ የክርስቶስ ደስታና እርካታ እንኖራለን።
Thanks For Watching. LIKE, SHARE & FOLLOW NOW [ Ссылка ]
![](https://s2.save4k.ru/pic/_udGh-eZLSI/maxresdefault.jpg)