DC MURO AENDELEA KUKABILIANA NA WATUHUMIWA WA UBAKAJI ARUMERU

Kufatia kuwepo kwa ongezeko la vitendo vya ubakaji na wanafunzi kupewa mimba mashuleni wilayani Arumeru Mkuu wa wilaya wa arumeru Mh. Jerry Muro amelaani na kukemea vitendo hivyo, mara baada ya mzee mwenye umri wa Miaka 73 aliejulikana kwa jina Devid Ndetio Nnko kutuhumiwa kumbaka hadi kumtia mimba mtoto mwenye umri wa miaka 14 wa darasa la sita katika kata ya kikatiti kitongoji cha ndurumangei Wilani Arumeru

Akizungumza na waandishi wa habari ofisini kwake hii leo Dc Muro amesema kuwa kwa muda wa miaka miwili mpaka sasa wilayani arumeru kumekuwa na vitendo vya ubakaji na upewaji mimba wanafunzi 84 na ameanzisha kampeni ya kuweka mikakati ya kudhibiti,kupambana na kutokomeza kabisa vitendo hivyo na kuahidi kushirikiana na waandishi wa habari mkoani Arusha kufichua wale wote wanaohusika na vitendo hivyo hadharani ili jamii iwajue

Akielezea mkasa mzima ulivyotokea mama mzazi wa binti huyo Bi Flora Mika Nko amesema kuwa mzee huyo alimuomba mtoto kwenda nyumbani kwake kupukuchua mahindi na ndipo yote haya yakatokea

Hata binti huyo amekiri kuwa mzee huyo ndio chanzo baada ya kumlazimisha mara mbili kufanya nae kitendo hicho baada ya kufika nyumbani kwake

DC Murro ametoa wito kwa wananchi wote Wilayani Arumeru wenye kesi za vitendo vya ubakaji na upewaji mimba kwa wanafunzi mashuleni ambazo hazijafanyiwa kazi ndani ya miaka mitano iliopita kufika katika *Ofisi ya mkuu wa wilaya huyo na kuleta taarifa pamoja na vielelezo vitakavyosaidia serikali kuchukua hatua.

Imetolewa na Ofisi ya Mkuu wa Wilaya ya Arumeru

свернуть