ՙԲաքուն շարունակում է հակադրվել Մինսկի խմբի համանախագահներին և անում է առավելագույնը խաղաղ բանակցությունները ձախողելու համար՚,- Եվրանեսթի խորհրդարանական վեհաժողովում նման հայտարարությամբ հանդես եկավ Հայաստանի գլխավոր դիվանագետը:
Էդվարդ Նալբանդյանը հայտարարել է, որ վերջին մեկ տարում Ադրբեջանը լրջորեն սրել է իրավիճակը, և նման քաղաքականությունը աննախադեպ մեծ թվով կորուստների պատճառ է՝ հակամարտության բոլոր կողմերի համար:
Արտգործնախարարը նաև խոսել է Եվրամիության հետ գործակցության շարունակականության մասին: Հայաստանը պատրաստ է բոլոր ձևաչափերով և ուղղություններով բոլոր հնարավոր ոլորտներում շարունակել Եվրամիության հետ համապարփակ գործակցությունը:
