18-vjeçari Axel Hoxhaj, autori kryesor i vrasjes së të riut Stivën Toshkësi në kryeqytet të martën, u vetëdorëzua në Policinë e Tiranës. Hoxhaj u paraqit në polici pas negociatave të bëra nga uniformat blu me familjarët e tij.
Policia thotë se 18-vjeçari në bashkëpunim me mikun e tij, Ensi Maze, ky i fundit i arrestuar disa orë pas ngjarjes tragjike të 18 Prillit, vranë të riun pas një konflikti fizik.
Dëshmitë e marra nga grupi hetimit, treguan se si 20-vjeçari u godit me thikë pas një sherri banal të nisur disa javë më parë për një vajzë.
Kamerat e sigurisë zbardhën gjithë dinamikën e ngjarjes. Dy autorët, Hoxhaj dhe Maze kanë qenë duke qarkulluar në këmbë në momentin që në rrugën “Skënder Sallaku", po kalonte me makinë Stiven Toshkësi me një mikun e tij.
Ata kanë diskutuar me fjalë dhe pas disa minutash kanë nisur të konfliktohen fizikisht, ku Hoxhaj ka goditur për vdekje me thikë 20- vjeçarin, i cili ka mundur të largohet për 50 metra dhe më pas të rrëzohet në tokë.
Autorët kanë pretenduar se thikën e ka pasur viktima, por policia ka prova se ajo ka qenë e autorëve.
Të premten Hoxhaj dhe Maze do të dalin përpara Gjykatës së Tiranes për t’u njohur me masën e sigurisë, teksa mësohet se prokuroria do të kërkojë lënien e tyre në burg pa afat.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
